كشفت الفنانة شيرين رضا عن تفاصيل حياتها مع والدها الفنان الراحل محمود رضا، وكيف تأثرت برحيله وما تركه من أثر بداخلها في الباقي من عمرها، وقالت: بابا هيبقى أول فصل في كتاب حياتي، كان راجل "لذيذ جدا" وكان عاوز يعلمني المسئولية من وأنا صغيرة.وتابعت شيرين، خلال لقائها مع المذيعة مها الصغير ببرنامج "its show time": كان يقولي اتصرفي انتي فكري انتي، لأنه علمني كل حاجة أنا عرفاها، علمني الصبر والاحترام وإني أفهم إنه مش كل الناس رأيها هيبقى زي رأيي، وطبعًا واضح إني متعلمتش الحاجة دي كويس. وتابعت: مكنش فيه صدام بينا، بس هو كان شايف إني قليلة الأدب، لأن بابا عمره ما قال كلمة وحشة أو قال إن البني آدم دا وحش، فكان بيبقى مصدوم فيا، انتي ازاي بتقولي الكلام دا. يذكر أن شيرين رضا أثارت ضجة كبرى أثناء استلام درع تكريم اسم والدها الراحل في افتتاح مهرجان الجونة عندما صدمت الجميع وقالت "بابا كان عايزني أطلع رقاصة"، وأوضحت لاحقا أن الكلمة كانت مجرد دعابة للتخفيف من كآبة لحظات تكريم الراحلين، وأضافت: أنا البنت الوحيدة في مصر والوطن العربي اللي أبوها كان عايزها تطلع رقاصة، وهى خيبت ظنه ورفضت"، مضيفة أن والدها أكثر فنان قدر الرقص، معربة عن فخرها بتاريخ والدها وإنجازاته التي لن تنسى. لمشاهدة أجمل صور المشاهير زوروا أنستغرام سيدتي