هاجمت الفنانة التونسية درة، المتنمرين على  مواقع التواصل الاجتماعي، ووجهت لهم رسالة شديدة اللهجة، وكتبت عبر خاصية الاستوري عبر حسابها الرسمي على موقع «إنستجرام»،: « بالنسبة للناس الي مدفوعلها عشان تعمل فايك اكونتس وتشتمني علي السوشيال ميديا او الي بتعمل كدا ببلاش» وتابعت: «لازم اوضحلكم ان الي بتعلموة دة مش هيجيب أي نتيجة و بالعكس .انتم ناس مش فاهمين و فاشلين و فاضيين شوفو حياتكم و طلعو طاقتكم بعيد عني احسنلكم والله يمكن ربنا يكرمكم في حاجة تانية». يذكر أن التنمر طال عدد كبير من الفنانين الفترة الماضية، آخرهم الفنانة يسرا اللوزي، بعد أن وصفها أحد المتنمرين بـ«أم الطرشة» بسبب مرض ابنتها بضعف السمع، وذلك عبر حسابها الرسمي على موقع «إنستجرام». وقررت يسرا اللوزي ان تلقن الشخص المتنمر درساً ليخجل مما كتبه، وقالت: «شكرًا على ذوق حضرتك.. أنا قررت استغل كلامك اللطيف عشان أقدم شوية توعية بخصوص هذا المصطلح، أولًا، المصطلح الصحيح والمقبول هو الصم وضعاف السمع، وليس الطرش أو البكم». وأضافت: «ثانيًا أحب أعبر عن فخري بكوني والدة طفلة صماء لأنها علمتني حاجات كتيرة جدًا وبقيت بني آدمة أم أحسن بسببها، وأنا متأكدة إنها هتطلع إنسانة مثقفة ومتفوقة ومش هتبقى محتاجة حد عشان تحقق أحلامها». وتابعت:«ثالثًا، البنت الصماء دي هي اللي ألهمتني إني أتكلم في البرامج وأطالب بالكشف المبكر للمواليد اللي على أساسه كل المصريين هيتعملهم كشف سمع عند الولادة، وده المفروض يساهم بشكل إيجابي في حياة عائلات كتير وهيسمح للأطفال الصم وضعاف السمع إنهم يلاقوا الدعم منذ الصغر عشان يقدروا يتعلموا كويس وما يبقوش عبء على حد». واستكملت: « بل بالعكس هيكونوا قادرين يندمجوا في المجتمع المريض للأسف، فبالتالي الطفلة الصماء دي ليها إنجازات أثرت على شعب كامل رغم إن عمرها 6 سنين، ياريت توضحلي بقى حضرتك أنجزت إيه في حياتك؟ شكرًا».