لقنت الفنانة المصرية يسرا اللوزي، أحد المتنمرين درسًا قاسيًا في الأخلاق والذي وصف ابنتها الصماء بـ “أم الطرشة”. وتفاعل رواد مواقع التواصل الاجتماعي مع رد الفنانة المصرية عليه، فيما سارع الفنانون بدعم زميلاتهم. “يسرا” ضربت مثالا راقيا في الأخلاق الرفيعة، وردت على من تنمر عليها وعلى ابنتها المريضة. وقالت :”شكرا على ذوق حضرتك، أنا قررت استغل كلامك اللطيف عشان أقدم شوية توعية بخصوص هذا المصطلح، أولا المصطلح الصحيح والمقبول هو الصم وضعاف السمع وليس الطرش أو البكم، ثانيا أحب أعبر عن فخرى بكونى والدة طفلة صماء، لأنها علمتنى حاجات كتيرة جدا وبقيت بنى آدمة وأم أحسن بسببها، وأنا متأكدة إنها هتطلع إنسانة مثقفة ومتفوقة ومش هتبقى محتاجة مساعدة من حد عشان تحقق أحلامها”. وتابعت: “ثالثا.. البنت الصماء دى هى اللى ألهمتنى انى أتكلم فى البرامج وأطالب بالكشف المبكر للمواليد اللى على أساسه كل المصريين هيتعملهم كشف سمع عند الولادة، وده المفروض يشاهم بشكل إيجابى فى حياة عائلات كتير وهيسمح للأطفال الصم وضعاف السمع، إنهم يلاقوا الدعم منذ الصغر “