كشفت الفنانة حورية فرغلى، أسباب ابتعادها عن المشاركة في الأعمال الفنية، خلال السنوات الماضية. وقالت «حورية» في مداخلة هاتفية مع برنامج «مساء دي إم سي» المذاع على قناة «دي إم سي» الفضائية: «من 3 سنوات وقعت من ظهر الحصان والحصان اتزحلق فوقي، فهيكل مناخيري اتكسر، وفقدت حاسة الشم والتذوق بقالي 3 سنوات وشكل مناخيري اتغير ومش عارفه ارجعه تاني». وأضافت «حورية»: «كنت هسافر أعمل عملية في أمريكا لكن الكورونا لما قفلت معرفتش أسافر، ولفيت على دكاترة كتير قبلها وكان كل دكتور بيبوظ حاجة، ومن بعدها كل الناس بعدت عني والناس اللي كانت تشتغل معايا من 10 سنين مش بتفكر ترفع سماعة التليفون تسأل عليا». وأردفت: «محدش بيسأل عليا غير رانيا محمود ياسين، والناس اللي كانت حواليا لما كنت في القمة بعدت عني، وبقالي 10 شهور حسبه نفسي في أوضتي». وتابعت «حوريا»: «رأس السنة كان من كام يوم ومحدش قالي Happy New Year غير أخويا، ولما ناس كتير من الوسط عرفت إني مش هشتغل في الفن لحين إجراء عملية في الأنف كله اختفى». واستردت: «لما اشتغلت في مسلسل لفيفي عبده الناس قالت لي أنتي قميئة، وبقيتي مايكل جاكسون، الأفضل تقعدي في البيت، أنا عملت 38 عمل في 7 سنوات وأنا كنت بشتغل وأنا تعبانة، أنا في الآخر أنا بنت، أنا مش متجوزة ولا مخطوبة، ومبقتش أبص في المريا من سنتين لأني حسيت إني فقد الثقة في نفسي كست». وأتمت «حورية» حديثها، قائلة: «صعبان عليا نفسي ونفسي محدش يشوفني كده، لكن أنا اتعلمت الدرس وعرفت مين الوحش ومين اللي بيحبني بجد».  Log into Facebook Log into Facebook to start sharing and connecting with your friends, family, and people you know.