كشفت الفنانة الكبيرة ميمي جمال عن حقيقة اعتزالها الفن، قائلةً: «خبر اعتزالي للفن حقيقي، ومن وقت ما تُوفي زوجي الفنان حسن مصطفى بقيت عامًا أو عامًا ونصف العام وأنا تعبانة نفسيًا، واتهزيت شوية ومكنتش قادرة أعمل حاجة»، مضيفة: «لما أحمد حلمي عمل فيلم (لف ودوران) قالوا لي إني هعمل دور أمه وهو عايزني أعمله».وأضافت «ميمي»: «بعد ما عملت فيلم لف ودوران، قلت كفاية كده بقى؛ لأني اشتغلت كتير وبشتغل من أنا عندي 9 سنين»، متابعة: «عملت فيلم (أقوى من الحب) وفيلمًا آخر مع الفنان الراحل كمال الشناوي وزهرة العلا».وأوضحت: «والدتي هي اللي قدرت تساعدني في تربية أولادي، وقلت كفاية بقى، أشوف أولادي وأحفادي ونفسي شوية بقى»، مؤكدةً: «أنا اعتزلت خالص، والكلام عن الخلافات بيني وبين أولادي أو أحفادي مزعج بالنسبة لي، وأنا مقلة في الحديث والرد تلفزيونيًا عن أي أخبار عني».