أثار المخرج المصري محمد سامي، جدلًا كبيرًا على مواقع التواصل الاجتماعي، بعدما نشر صورة تجمعه بزوجته الفنانة الشابة مي عمر، قبل 11 عامًا. وعلق سامي على الصورة على موقع انستجرام قائلًا: “دى صوره ليا أنا ومي من ١١ سنه، كنا بنفكر فأحلامنا ومستقبلنا وبنتمنى حاجات كتير ربنا ادانا أكتر منها كمان، عشان حاجه مهمه بعد كرمه وعطاءه، عشان بجد بنحب بعض وبنساعد بعض طول الوقت في تحقيق أحلامنا”. وتفاعل رواد السوشيال ميديا على الصورة التي حققت نحو 47 ألف تفاعل بين اعجاب وتعليق بعد أقل من 24 ساعة على نشرها. وتابع سامي قائلا: “بيتهيألي إني صعب كنت أنجح فى شغلي من غير دعم ومساندة مى ليا طول الوقت، الدعم ده حاجات كتير قوى محتاجة مليون بوست عشان تتكتب كلها، والنهارده أنا وهي بنحتفل بنجاحها اللي تعبت فيه واشتغلت عشانه كتير ووفقت بصعوبه بين بيتها اللي مخلياه جنه ليا أنا وبناتي وبين أهلها وحياتها وشغلها وفي الاخر نجحت نجاح كبير يفرح بيها كل محب ويثير غيرة وحقد الكارهين، مبروك حبيبتي وبنتي ومراتي الغاليه، ودايما ناجحه ومتفوقة، وتحيه لكل ست ناجحة وعارفه توصل لنجاحها رغم واجبتها تجاه أسرتها”. وكانت الفنانة مي عمر قد تصدر محرك البحث جوجل كأبرز المواضيع التي يتم البحث عنها مطلع الشهر فبراير- شباط الجاري وذلك بعد مشهد اغتصاب في مسلسل “لؤلؤ” من قبل “بودا” الذي يؤدي دوره الفنان محمد الشرنوبي على قناة ON.