أكد شوقي غريب المدير الفني لمنتخب مصر الأوليمبي أن الفترة المقبلة سوف تشهد خوض أوليمبي الفراعنة مباريات ودية استعدادا لاولمبياد طوكيو.قال شوقي غريب على هامش المؤتمر الصحفي المنعقد حاليا فى استاد القاهرة:  بوعد إننا هنعوض عدم خوض مباريات ودية فى شهر مارس الجارى.تابع: الأجندة الدولية في شهر ٦ مدتها ١٥ يوم وهنحاول نلعب ٣ مباريات ودية على الأقل في الوقت ده ..اضاف:  كان عندنا محاولات مع الارجنتين واستراليا وجنوب أفريقيا وكنا هنتحمل الإقامة فقط وعندنا مدرسة أوروبا ملعبناش معاها.استطرد:  مفيش فرقتين من قارة واحدة مع بعض في مجموعة من الأولمبياد يعني ممكن تيجي معانا فرقة واحدة في طوكيو و لازم نلعب مع مدرسة أوروبية.وقال ايضا:  لعبنا مع مدارس من امريكا الجنوبية وآسيا وأفريقيا ومصر التصنيف بتاعها بين التصنيف التاني والتالت و السبب إننا في اخر ٥ بطولات تحت ٢٣ سنة صعدنا للأولمبياد مرة واحدة.وقال شوقى غريب:  اللي ممكن يخلينا تصنيف تاني إننا خدنا بطولة إفريقيا وده بيزود التصنيف ٥ درجات ولو وصل المكسيك وهندوراس هنبقى تصنيف تالت ولو وصل فرق تانية هتبقى تصنيف تاني.وشدد شوقى غريب على ان المعسكر الأخير يبدأ ٥ يوليو وقال:  بنشوف هنعمل معسكر داخلي او خارجي ممكن نعمل معسكر جمب اليابان .. المعسكر ده هنشتغل بال٢٢ لاعب بس.