انتقد الفنان مصطفي درويش مشاركة الفنانة هند صبري لموكب نقل االمومياوات الملكية من المتحف المصري لمتحف الحضارة بسبب جنسيتها التونسية وطالب أن يكون المشاركة مصرية. وتواصلت «المصري اليوم»، مع مصطفي درويش لمعرفة سبب انتقاده لهند صبري وقال: «أنا لقيت موقع منزل أن هند صبري مشاركة في نقل المومياوت وكتبت أنا بحترم فنها وجنسيتها بس بحب بلدي أكتر وأهل بلدي أكتر، إيه المشكلة أن دي حاجة خاصة بتراث مصر وبجدودنا، عندنا ١٠٠ مليون مصري». وأضاف: «عندنا سوسن بدر، عندنا روبي، عندنا يسرا، أو أسماء أبواليزيد، عندنا أسامي كتير جدا عندنا ١٠٠ مليون، عندنا مصريين كتير جدا، إحنا الفراعنة الموضوع ملوش دعوة بالتمثيل، إحنا بنعرض للعالم شكلنا وبنشجع السياحة، ليه منجيبش رياضيين كورة صلاح أو النني أو رانيا علوان، أو علماء زي مجدي يعقوب، ليه بنجيب ناس أجانب،أنا شايف البيت أولى بأهله».