ظهر اليوتيوبر الشهير أحمد حسن وزوجته زينب، في بث مباشر عبر حسابه الرمسي على موقع «فيسبوك»، وهو يرد على تساؤلات المتابعين حول السبب وراء خلع زوجته للحجاب بعد أن ارتدته طوال الفترة الماضية. وقال:” إحنا مش وحشين، طول عمرنا بنعمل خير، وكل حاجة ترضي ربنا، زينب قلعت الحجاب لإنها مش حاسة نفسها بيه الفترة دي، واللي زاد رغبتها في لإنها تقلعه، التعليقات السيئة من جانب الجمهور ورواد مواقع التواصل الاجتماعية”. وأضاف: “التعليقات كانت معظمها بتقولها اقلعي الحجاب، شكلك وحش، مش لابساه صح، لابساه غلط، رقابتك باينة، وعلى فكرة هي حرة لأن ربنا هو اللى هيحسابها مش أنتوا، الحجاب دة بينها وبين ربنا، احنا اللي هنقابل ربنا مش أنتوا”. وتابع: “زينب قلعت الحجاب بتتشتم، زينب لبست الحجاب بتتشتم، في كل الحالات الناس بتشتمتنا وتهاجمنا، نعملكم إيه علشان نرضيكم؟ ونلاقى منكم تعليقات ايجابية مش كلها سلبية”. وأكد: ” الناس اللي بتقول إنها بتقلعه وتلبسه علشان الشهرة، الكلام دة خاطئ، لإننا مش محتاجين نتشهر، إحنا أشهر يوتيوبر في مصر كلها”. ودخلت زينب في الحديث وقالت: ” ادعولي وانصحوني ان الحجاب فرض بدل الشتيمة، أنا قررت أخلع الحجاب لحد اما ربنا يهديني الهداية الصح واني تلبسه صح، لما لبسته من فترة كان تشويش ذهني ومرينا بحاجات مفيش بشر ممكن يستحملها علشان كدة كنت متلغبطة”. وفى أول ظهور لهما بعد إخلاء سبيلهما بأيام، ظهر اليوتيوبر أحمد حسن وزوجته زينب في صور جديدة، ارتدت فيها “زينب” الحجاب وذلك بعد نحو 6 أيام من إخلاء سبيلهما بضمان مالي قدره 40 ألف جنيه. ونشر اليوتيوبر أحمد حسن عبر حسابه الرسمي على موقع التواصل الاجتماعي فيس بوك، صورا برفقة زوجته زينب التى حرصت على ارتداء الحجاب بعد أزمة حبسهما بتهمة تعريض حياة طفلتهما للخطر.