علق ياسر جمال نجل سمرة الراوي السيدة الناجية من حادث قطاري سوهاج التي ذكرت أن نجلها طردها قبيل استقلالها للقطار قائلًا: "أقسم بالله ماعرف حاجة عن القصة إلى قالتها غير الكلام إلى وصلني من الناس عاوز افهم منها القصة ؟ وليه بتقول كده ؟وتابع قائلًا: " عاوز أعرف الأسباب منها ؟ وسألته الإعلامية لميس الحديدي لماذا لم تذهب لرؤيتها في المستشفى بعد نجاتها من الحادث فرد قائلًا: " انا ماعرفتش غير لما الجيران خبطوا علينا وقالولي على الحادثة فتوجهت وربنا يشهد على حالي..أنا قاعد من الشغل ومافيش معايا فلوس رحت إستلفت الفلوس عشان أروحلها ".واصل: " فيه ناس إتصلت بيا وأنا في نص الطريق وقالولي إرجع أمك عملت بث " لايف " وقالت أنك ضربتها وطردتها وهددتها بالقتل وقالولي لو رحت هناك مش هتعرف ترجع بيتك تاني وقالولي خليك عندك لحد مانعد مع والدتك ونفهم منها ".وأكمل قائلًا: " أنا بعتلها إخواتي البنات عشان يطمنوا عليها ؟ فرجت عليهم الناس وقالت معرفكوش ليه جايين هنا ؟".أتم: " أنا بار بها وربنا يشهد عليا "وسألته لميس الحديدي عن أسباب غضبها فرد قائلًا: مشكلات عادية تخص المعاش والمشكلات والمصاريف إلى إحنا فيها عايشين في ضغط..لكن أقسم بالله مامشيتها من البيت إزاي ضميري هيسمح بكده ".وكشف أن المنزل الذي ذكرته والدته وأنه قام بطردها منه إرث عن والده وللورثة وأنا اقيم معها فيه قائلًا: " بيت ابويا وبعد ماتوفى قعدت فيه مع جوزها التاني الذي حصلت في أعقاب وفاته على معاش لكن أبويا مكنش موظف ماسبش معاش ليها لانه كان أجري وصياد في البحر ".واستطرد: " لما جوزها التاني مات ألحيت عليها ترجع البيت وتعيش معانا عشان ماتعدش لوحديها..وأنا مش متجوز وربنا يسهل.. والخلاف كان عادي مافيش فيه كل المشكلات دي كل الناس بتتخانق لكن مافيش اي حاجة من إلى قالتها أنا عملتها "ووجهت الإعلامية لميس الحديدي رساله له قائلة: روح دور على أمك هي الآن في دار مسنين وأحذر غضب الأم لانه تتهدله جبال فعقب قائلًا: " نفسي صعبانة عليا من الكلام ده وربنا يكفينا شر غضب الأم".