كشف الفنان احمد السعدنى كواليس أزمته مع مسلسله الجديد كله بالحب، والذي يشارك في بطولته مع الفنانة زينة ، واستنكر السعدنى تدخلها في تفاصيل العمل مثل البرومو هات والبوسترات. وكتب السعدنى على صفحته الشخصية بموقع التواصل الاجتماعي فيسبوك:"الحقيقة انا عمري ما عملت مشكله في شغلي و عمري ما اختلفت مع زمايلي انما انا اللي بيحصل معايا في المسلسل اللي شغال فيه ٢٤ ساعه مبروحش بيتنا عشان يلحق العرض و الواحد ساكت و بيعدي بلاوي عشان الزنقة و الظروف انا متربي في ستوديوهات كبرنا انا و اللي زيي اللي كان بيتقال عليهم ابناء الفنانين كانها شتيمة علي احترام مهنتنا مواعيدنا ومذاكرتنا و تحضيرنا للشغل احترامنا للكلمه قبل العقد للاسف شركة الانتاج ملتزمتش معايا باتفاقهم اللي علي اساسه وافقت اشتغل و كان شرط اساسي لقبولي الشغل معاهم و الحقيقه اول مره اشوف تصميم دعايه عمل فني من افيشات و برومو بتعمله زميلة في العمل طول عمري كنت فاكرها من اختصاص شركة الانتاج الحقيقه انا ضهري في الحيط اكمل و اقبل بالعبث ده عشان باقي الزملا الفنانين و الفنيين المشاركين في العمل اللي ملهمش ذنب و الا اقعد في بيتنا و اكتفي باللي صورته و اطلب من النقابه تجيبلي حقوقي المادية و في كل الاحوال انا بعتذر لاي شخص بيحبني عن تواجدي في هذا العمل لان الحقيقة اللي بيحصل ده مهزلة".