ننشوى مصطفى بعد وقف "أحمس": "السنة دي سنة الفرز ومافيش واسطة ولا محسوبية" علقت الفنانة نشوى مصطفى، على الجدل المثار حول وقف مسلسل "أحمس" الذي يقوم ببطولته الفنان عمرو يوسف، وذلك بسبب الأخطاء التاريخية التي وردت في البرومو الترويجي الأول، وذلك من خلال حسابها الشخصي على موقع التواصل الاجتماعي" فيسبوك". كتبت نشوى مصطفى منشورًا قالت فيه :"شوية صمت حيكون في مصلحتنا أكتر، شوية ذكاء، شوية احترام لمستهلك سلعتك، المستهلك بتاع النهاردة صعب تضحك عليه وتبيع له بضاعة فيها عيوب ببساطة لإن (المستورد) قدام عينيه ليل ونهار وانتو عارفين المستورد الخواجة مابيهزرش والشغل عنده بيتوزن بميزان دهب" . وأضافت نشوى مصطفى:"مفيش قدامك غير الجودة، المرحلة الجاية البقاء للأشطر، مفيش واسطة ولا محسوبية ولامجاملات ولا صحوبية، السنة دي سنة الفرز، والسوق قرب والڤاترينة مليانة، من أول يوم في السوق الرابحين السنة دي حيكونو هما الشطار بجد، ربنا يكرم الشطار ويكتر من أمثالهم، ويكرم المجتهدين اللي بحق وحقيقي وفرصة للمستسهلين أنهم ياخدو بالهم ومايستسهلوش وربنا يكرم الجميع". وفي سياق آخر، شاركت نشوى مصطفى مؤخرًا في مسرحية" عطل فني"، وهي من ﺇﺧﺮاﺝ محمد أوتاكا، ﺗﺄﻟﻴﻒ أمير طعيمة، بطولة أكرم حسني، هشام ماجد، شيكو، آيتن عامر .