أكد محمد عطوة مدافع نادي الاتحاد السكندري أنه علم بقرار رحيله من بيراميدز من خلال وكيل لاعبين قريب من ناديه السابق. وقال عطوة في تصريحات لبرنامج الماتش الذي يقدمه الإعلامي هاني حتحوت عبر شاشة صدى البلد " عرفت من وكيل لعيبة إني على رأس قائمة للراحلين من بيراميدز، كلمتهم في النادي وقولتلهم عيب اعرف من برة ومحدش فيكم جه قالي اني مش في حساباتكم". وتابع " بلغوني في بيراميدز إني هتمرن لوحدي لحد ما أمشي، ونزلوني مع اخصائي التأهيل رغم أني مش مصاب". وأضاف "جه مسئول في نادي بيراميدز، هو مش مسئول فني بس ممكن يمشي أنه مسئول فني، فاجئني ولقيته بيقولي كتر خيرنا اننا خليناك تتمرن الفترة دي مع الفرقة، احنا مش هنجهزك علشان تروح لنادي تاني جاهز". وواصل عطوة " في حاجات بتحصل في النادي الكل عارفها ومش هقدر هقولها أنا اتكلمت في الجزء الخاص بيا".