طالبت الفنانة نشوى مصطفى زملاءها ممن يدعمون الفنان عمرو يوسف وصناع مسلسل «الملك» باحترام رغبة الجمهور الذي تفاعل كثير منه لرفض عرض المسلسل في رمضان إلى أن تم وقف العمل به بالفعل. وكتبت نشوى عبر حسابها الرسمي على «فيسبوك» مطالبة بالصمت لحين اتخاذ قرار من لجنة المتخصصين حول العمل وتابعت :«شوية صمت حيكون في مصلحتنا أكتر ..شوية ذكاء شوية احترام لمستهلك سلعتك المستهلك بتاع النهاردة صعب تضحك عليه وتبيع له بضاعة فيها عيوب.. ببساطة لأن المستورد قدام عينيه ليل ونهار وانتوا عارفين المستورد الخواجة مابيهزرش والشغل عنده بيتوزن بميزان دهب«. واستطردت: «مفيش قدامك غير الجودة ..المرحلة الجاية البقاء للأشطر ..مفيش واسطة ولا محسوبية ..ولا مجاملات ولا صحوبية ..السنة دى سنة الفرز.. والسوق قرب والڤاترينة مليانة من أول يوم في السوق الرابحين السنة دى حيكونو هما الشطار بجد ربنا يكرم الشطار ويكتر من أمثالهم..ويكرم المجتهدين اللي بحق وحقيقى وفرصة للمستسهلين أنهم ياخدوا بالهم ومايستسهلوش وربنا يكرم الجميع«. وكان إيقاف مسلسل «الملك» قد قسم الوسط الفني بين مؤيد لقرار المتحدة للإعلام وقف العمل به لحين عرضه على لجنة متخصصة وبين معارض من الفنانين الذين طالبوا بعرضه ثم الحكم عليه والذين اطلقوا هاشتاجات عبر مواقع التواصل الاجتماعي منها #كلنا_عمرو_يوسف و#نتفرج_بعدها_نحكم«.