وجهت خبيرة التجميل أسما شريف منير، نصيحة للمطلقات من واقع تجربتها الأخيرة في الانفصال عن الفنان محمود حجازي، مؤكدة أن بعد الطلاق كل طرف يتمنى الضرر للطرف الاخر حتي يقال أن حياته انهارت بعد الطلاق، واعترفت بأنها كادت أن تقع في هذا الخطأ، ولكنها تراجعت وآمنت أن النهايات أخلاق، ولا يجب أن ننسى "العشرة".   أسما وجهت النصيحة عبر حسابها بموقع الفيس بوك قائلة: دايمًا لما اتنين بيسيبوا بعض كل واحد فيهم بيبقي عايز التاني يحس أنه تعبان من غيره، اوفي حال أوحش، عشان يعرف يعدي ويقوم، هكدب عليكم لو قلتلكم محستش كده!! بس بما أني مركزة مع تجربتي المرة دي عشان فعلًا عايزة أتعلم وأقوى بجد، قعدت أحلل الإحساس ده بكل تفاصيله لحد ما وصلت أن لو فعلاً الواحد في يوم حب، إزاي ممكن يتمنى لحد حاجة زي دي، إيه الأنانية دي؟ حتى لو اتأذيت ليه أوصل أني أتمنى إن الشخص التاني يتعب عشان يحس بقيمتي!”.     وتابعت: ده إحساس مؤذي وده مش طبعي، فهذبت نفسي ولمتها وقلت لنفسي إن لو ده اختبار من ربنا يبقي لازم الواحد يكون قده! مش كلام وخلاص.. وتكون النهايات أخلاق مش ادعاء، لكل ست في نفس الموقف لو حسيتي بكده أقفي مع نفسك! وقفي نفسك، وغيِّري التفكير ده من جذوره و دعي الخلق للخالق”.   واختتمت نصيحتها قائلة: ركزي في إزاي تقومي بطريقة صحية واتمني لغيرك اللي تتمنيه لنفسك عشان ‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏}.. سامحي حتى لو مش إنتي اللي غلطانة، إن الله غفور رحيم.. (لا تنسوا الفضل بينكم)”.   وسبق أن أعلنت أسما انفصالها رسميا عن الفنان محمود حجازي، ووجهت رسالة مؤثرة لكل من حاول التأكد من صحة الخبر ومعرفة التفاصيل، طالبتهم فيها باحترام العشرة و"العيش والملح"، وعدم الخوض في تفاصيل حياتها الخاصة.   أسما نشرت رسالة عامة عبر منصاتها بمواقع التواصل الاجتماعي قال فيها: يا ريت بعد إذنكم تحترموا خصوصية الموقف، من غير شائعات ولا اجتهادات ولا أسئلة، محصلش نصيب، بكل احترام، ونقطة.   أضافت: ربنا يكرمنا إحنا الاتنين، بس كده مفيش أي تفاصيل تانية للصحفيين بعد إذنكم، إحنا كان في بينا عشرة وعيش وملح فأكيد مش هنتكلم عن تفاصيل بيتنا. لمشاهدة أجمل صور المشاهير زوروا أنستغرام سيدتي