نشرت أسما شريف منير صورة حديثة لها عبر حسابها الشخصي على موقع الصور إنستجرام، بعد انفصالها عن زوجها الفنان الشاب محمود حجازي، وكتبت أسما: «دايماً لما اتنين بيسيبوا بعض كل واحد فيهم بيبقي عايز التاني يحس أنه تعبان من غيره، أو في حال أوحش، عشان يعرف يعدي ويقوم، هكدب عليكم لو قلتلكم محستش كده!! بس بما إني مركزه مع تجربتي المره دي عشان فعلاً عايزه أتعلم وأقوى بجد، قعدت أحلل الإحساس ده بكل تفاصيله لحد ما وصلت أن لو فعلاً الواحد في يوم حب إزاي ممكن يتمنى لحد حاجة زي دي، إيه الأنانية دي؟ حتى لو اتأذيت ليه أوصل إني أتمنى أن الشخص التاني يتعب عشان يحس بقيمتي» وتابعت: «ده إحساس مؤذي وده مش طبعي، هذبت نفسي ولومتها وقلت لنفسي إن لو ده اختبار من ربنا يبقي لازم الواحد يكون قده! مش كلام وخلاص.. وتكون النهايات أخلاق مش ادعاء، لكل ست في نفس الموقف لو حسيتي بكده اقفي مع نفسك! وقفي نفسك، وغيري التفكير ده من جذوره ودعي الخلق للخالق. ركزي في إزاي تقومي بطريقة صحية وإتمني لغيرك إللي تتمنيه لنفسك عشان ‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏}. سامحي حتى لو مش إنتي اللي غلطانة، إن الله غفور رحيم».