يتناول الاعلامي د. عمرو  الليثي والفنان احمد صيام في الحلقة اليوم الاحد الثالث عشر من شهر رمضان من برنامج " رمضان المصري علي القهوة " عبر اثير الشرق الاوسط  ، الحديث عن مقهي نوبار وقصتها الشهيرة مع المطرب الشهير عبده الحامولي واشار الفنان أحمد صيام : الي ان المطرب الشهير عبده الحامولي كان من ابرز المشاهير علي مقهي نوبار وعقب عمرو الليثي :  ان قهوة المالية هي التي اللي حلت مكان قهوة نوبار في الوقت الحالي .. ولو ذهبنا الي المقاهي سنجد صورة كبيرة لعبده الحامولي وهاتلاقي كمان جرامفون قديم في ركن القهوة كانوا بيشغلوا عليه زمان طقاطيق وموشحات ..  وقال احمد صيام صيام : ايوه بس ايه علاقة الحامولي مقهي نوبار .. دي قهوة شعبية وهوه كان من الاثرياء ..  وتابع عمرو : مقهي نوبار كان ملتقى الفنانين وكانت كمان قريبة من المنيرة حي ولاد الذوات  ، و ايضا كانت القعدة المفضلة لاعز اصدقاء عبده الحامولي عريان بك واسيلي ..  وعريان ده بقى كان عشان يقعد في هدوء مع صديقه عبده الحامولي كان بيطلب من صاحب القهوة يمشي كل الزباين وف كل مرة كان بيدفع تمن مشاريب كل الزباين اللي بيمشوا وفضل يعمل كده مايقابل عليها  الحامولي لغاية ماعريان بك فلس تماما ..  وكل هذا عشان الحامولي يغني لصديقه اغنية انا قلبي عليك  او دور  قبل مااهوى الجمال او اغنيته المشهوره اراك عصي الدمع  باللحن الاصلي بتاعه ..  وعقب صيام : .. اوباااا .. اهي دي كمان اول مرة اعرف ان اغنية ام كلثوم اراك عصي الدمع لحنها  وغناها قبلها سي عبده الحامولي .. انا اللي اعرفه انها اتلحنت مرتين بس .. مرة زكريا احمد وبعده رياض السنباطي لحنها للست ام كلثوم .. البرنامج يكتبه الكاتب الصحفي محمد الشبّه، ويخرجه الإذاعي تامر حسني. يذاع برنامج " رمضان المصري علي القهوة " في الساعة ٥:٢٥ عصراً قبل الإفطار، من الأحد إلى الخميس خلال شهر رمضان، ويعاد إذاعته في الساعة 9:10 صباحا.