أثارت الفنانة سماح أنور جدلًا وتصدرت قائمة الأكثر بحثًا على محرك البحث جوجل، خلال الساعات الماضية بعد تصريحاتها حول رأيها في الحجاب، مبدية عدم اقتناعها بأنه فرض على المسلمات. وقالت «أنور»، خلال حوارها مع الإعلامي أحمد سالم في برنامج «لحظات جريئة» المُذاع على قناة «القاهرة والناس»، الإثنين، إنه «أغطي شعري ليه؟ الأئمة أجمعوا أنه فرض بس أنا بتكلم عن ربنا والقرآن، القرآن قال إيه»، مشيرة إلى أن تفسير آية الحجاب جاء من قبل البشر «بني آدمين، طب ما أنا كمان بني آدم وفسرته بطريقة تانية». أضافت: «ربنا خلق لي شعري، فهل شعري هو المشكلة ولا عورتي هي المشكلة، طب ما أنا بشوف محجبات كتير في الشارع لابسين استريتش»، متسائلة «هو ده يرضي ربنا؟». تابعت: «أنا ما بشتغلش في الدين عشان أتكلم فيه، أنا مليش فيه أنا بني آدم عادي، لو حطيت حاجة على دماغي بتخنق، ماليش علاقة بهو فرض ولا مش فرض أنا مش متخصصة في الدين»، مضيفة «أنا بني آدم هتولد لوحدي وهموت لوحدي وهتحاسب لوحدي زي كل خلق ربنا وما تقوليش أعمل إيه أنت بلغتني المعلومة، متشكرين أوي مين اللي هيحاسبني ياعم وسيبني مع اللي خلقني».