وقع نجم مسرح مصر الفنان كريم عفيفي ، ضحية الحلقة السادسة عشرة من برنامج "رامز عقله طار" واستقبله رامز جلال، بمقدمة ساخرة من نجوم الكوميديا الجدد، وتوعده بعدة مقالب تحول ابتسامته الدائمة لصراخ وعويل. كريم عفيفي يخاف الذهاب لمدينة الملاهي   مقدمة رامز جلال الأولى أكدت أن الكوميديا صارت صعبة جدا اليوم وقال: وعشان تضحك المشاهد لازم تخترق الشاشة... أحنا النهاردة معانا واحد مصنف من كوميديانات الجيل قصير مكير يمتلك من الأفيهات بير بس على مين أنت جاي لرامز الشرير اللي هيحول أفيهاتك لصريخ وعويل... معانا ومعاكم وحيد سيف الدويقة... محمد عوض الطابية... يونس شلبي الجيارة... كريم عفيفي.   وتابع ساخرا: اسمع يالا أجمد وأنشف وأوع تصوت زي الحريم، بعون الله بعد الحلقة هتخس النص ومش هتحتاج جيم ولا رجيم.   وسخر رامز جلال من ملابس كريم عفيفي قائلا: ايه القميص اللي عليه بدجات كتيرة ده انت جاي من جواتيمالا... واي تسريحة التندة المعوجة دي... ولابس بنطلون مقطع وحاجة زبالة قولتلك أغسله قبل ما تيجي... دا مش شكل فنان رايح يفتتح مدينة ملاهي... دا واحد داخل فرح في النزلة.   وعند ارتداء كريم لفيست الحماية سخر منه رامز قائلا: كريم بجنابه دي مش محتاج فيست دا محتاج حزام فتاق"، موضحًا: لما لبس التميمة تحس أنه لابس طبق بيض.   وتحمس كريم عفيفي، لخوض لعبة الـ "بينت بول"، ولكنه تعرض للضرب من رامز جلال، دون أن يظهر له، ليصرخ عفيفي من الطلقات مؤكداً على أن ضرباتها موجعة، وغادر ساحة المعركة سريعا.   غضب كريم عفيفي امتزج مع مشاعر الخوف والرعب فور انطلاق كبسولة الهوب دروب، ومع تحرك الكبسولة فى الهواء، بدأ كريم فى الصراخ عاليا، وقام رامز بضربه أكثر من مرة ليرد عليه عفيفى غاضبا موجها الضربات والشتائم له وطلب النزول وعدم استكمال اللعب قائلا: نزلونى مش عارف اخد نفسى.   ورفض عفيفي فكرة القفز من الكبسولة المعلقة في الهواء ليسقط في حوض السباحة، ليقوم رامز بإلقائه عنوة في الماء.   كريم سخر من نفسه فور اكتشاف حقيقة رامز جلال وقال أن زوجته تتمنى الذهاب لمدينة الملاهي ولكنه يرفض بسبب شعوره بالخوف من الألعاب، مؤكدا أن لا أحد سيشمت فيه لأنه غلبان، وتمنى أن يقع زميله أوس أوس في نفس المقلب.