لعب دور الشيخ رمزي، الذى قدمه الفنان طارق لطفى فى مسلسل "القاهرة كابول"، وهو فى مرحلة الطفولة، واستطاع أن يقدم الدور بشكل مميز وجيد. وكشف الطفل مصطفي صديق لـ "الفجر الفني" ، عن تجربته فى مسلسل القاهرة كابول، حيث قال"أنا اترشحت للمسلسل الأول عن طريق الكاستينج ديركتور للمسلسل وكان على دور ابن الفنان طارق لطفي ولكن اللي رشحني لدور رمزي أستاذ حسام على المخرج". وتابع "القاهرة كابول أول عمل ليا فى التليفزيون فهو بالنسبة لي تجربة مهمة جدا، أنا كنت شغال مسرح وكان بقالي ست سنين بس مكنتش اعرف أي حاجة عن ازاي بيصوروا، والمسرح طريقة اداءه مختلفة تماما عن التليفزيون فتعلمت سكة أداء مختلفة". وعن تحضيره لشخصية رمزي، قال"الموضوع كان مختلف شوية لاني كنت بذاكر رمزي وفي نفس الوقت كان مطلوب مني اذاكر استاذ طارق لطفي علشان اركز في تعبيرات وشه ازاي بيعبر بعينه". واختتم حديثه"كان نفسي جدا اشوف أستاذ طارق فهو فنان وممثل هايل واتعلمت منه كتير بس مقابلتهوش لكن أستاذ حسام على وأستاذ باسم على شرحولي الدور وفكرته وكل التفاصيل الخاصة برمزي". يذكر أن مسلسل "القاهرة كابول" تأليف عبد الرحيم كمال، إخراج حسام على، وبطولة طارق لطفي، خالد الصاوي، فتحي عبد الوهاب، حنان مطاوع، نبيل الحلفاوي، نور محمود، خالد كمال، حسنى شتا، كريم سرور، يسرا مسعودى، عبد الرحيم حسن، كارولين خليل، معتز هشام، محمود الشرقاوي، كريم سامي، مايا طلام، سامح السيد.