أعلنت الفنانة نورهان عن تلقيها العديد من التهديدات من المنتج محروس المصري الذي تعاونت معه في أحد المسلسلات، والتي كانت قد بدأت تصويرها منذ أربعة أشهر، مُشيرة إلى أنها كانت تقوم بالتصوير في شهر رمضان الماضي، وقي أجواء تصوير صعبة جداً،  وأنها انتهت من تصوير 95% من مشاهدها دون أن تحصل على أجرها، كما أنها صورت هذا العمل بنصف أجرها، بناءً على اعجابها الشديد بالدور.  وتابعت نورهان قائلة:"أنا صحيت من النوم على تهديد من منتج مسلسل كنت بدأت تصويره من أربع شهور ومسلسل كانت أجواء تصويره صعبة جداً، وكنت بنزل في صيام ودرجة الحرارة 39 ومش عارفة اشرب والجو حر، وصورت 95٪ من مشاهدي ولم اتقاضى أجرى وباقيلي يوم واحد تصوير والوعود المستمرة إن هنجبلك جزء من أجرك المرة الجاية، المرة اللي بعدها، وده تكرر اكتر من ست سبع مرات وفي كل مرة بعد ما بوصل وخلاص هشتغل واتحط قدام الأمر الواقع لا مافيش النهاردة بكمل تصوير عادي وبقول يمكن معهوش وإكراماً للمخرج أستاذ عصام شعبان اللي بعتبره استاذي و أخويا الكبير اللي اشتغلت معاه من وأنا عندي 14 سنة وبحب الشغل معاه، واحتراماً ليه مبعملش أي مشاكل أنها تقصر على سير العمل، ولكن استوقفني إن انا قبل آخر يوم تصوير لو صورت المشاهد دي خلاص هو مش محتاجني في حاجة طالبت بس، طب ارجوكم يا جماعة وأنا أصلاً ماضية بنص أجري ووافقت إن اعمل ده بناءً على الاستعطاف اللي كان منهم طب اقفي جمبنا وجنب العمل، بناءً على أن حبيت الدور، أنا ماضية بنص أجري ومضيت على إن هاخد نص أجري أثناء التصوير وده مش متعارف عليه ولا بيحصل في شركات جميلة زي سينرجي وزي غيرها اللي بشتغل معاها على طول وإن هاخد النص التاني بعد البيع ".  وعرضت نورهان رسالة التهديد التي تلقتها على هاتفها المحمول صباح اليوم، والتي قال فيها :" مساء الخير أستاذة نورهان أنا محروس المصري فلوسك موجودة لكن بشرط أنك توقعي على إقرار انك تكملي تصوير المسلسل ويتبقى لك 45 مشهد". وأكدت نورهان أنه لم يتبقى لها سوى عشر مشاهد بيوم واحد تصوير وذلك بناءً على اتفاق بينها وبين المخرج المنفذ والمنتج الفني الذين كانوا متواجدين وقت تعاقده على العمل.  وأشارت نورهان إلى أن المنتج هددها أيضًا بحذف مشاهدها والاستعانة بالفنانة رانيا يوسف بدلاً منها، مُضيفة:"هددني إنه يكلم رانيا يوسف اللي هي حبيبتي اللي متأكدة أنها مش هتوافق بس هيكلمها وهيديها أجرها وكمان يعيد تصوير مشاهدي اللي اخدوا 11 يوم تصوير، هيخشله في مليون جنيه إعادة تصوير عشان ميدنيش 3 جنيه وربع بتوعي ده أول تهديد".  وأضافت نورهان:" التهديد التاني هنزل إعلان مطلوب شبيه لنورهان "توأم" الأستاذ محروس هيكمل المسلسل أنا مفروض شخصيتي ماتت في آخر الحلقات، هو قرر في الـ 15 حلقة الزايدة اللي هيعملهم عشان يعاقبني بيهم هيخلي ليا توأمة فازاي نورط نورهان هيدور على واحدة شبيه نورهان عشان تكمل الدور "، ضاحكة:" إنها كوميديا سوداء".  وعرضت نورهان بعد ذلك الجزء الثاني من الرسالة الصوتية التي قال فيها :" بالنسبة للعقد الخاص بك فهو مكتوب به إنه مسلسل، إذا بعت ضميري فالمؤلفة والمخرج موقعين على عقد مسلسل 30 حلقة، ومدير التصوير موقع على 22 يوما، في كلتا الحالات الحكم ليهم هما التلاتة".  وفسرت نورهان كلامه، موضحة أن ذلك يعني أنها أمام أمرين إما أن تصور 45 مشهد زيادة، أو أنه سيجبرها على تصوير 15 حلقة زيادة، لأنه سيحول المسلسل من 15 حلقة إلى 30 حلقة، وذلك لأنها لم أكتب في العقد أنه 15 حلقة فقط.