وصلت منذ قليل الفنانة غادة عبد الرازق وزوجها مدير التصوير هيثم زنيتا، والمخرج محمد أسامة، والمؤلف إياد إبراهيم إلى ندوة تكريمها بجريدة الجمهورية، وذلك لتكريمها على نجاح مسلسلها الأخير "لحم غزال"، الذي تم عرضه في السباق الرمضاني الماضي.  وتحدثت غادة عبد الرازق عن الصعوبات التي واجهتها أثناء التصوير، ولاسيما أن العمل تم تصويره بالكامل في لبنان، قائلة :"الص عوبة إن احنا كنا برا مصر واطلب نعمل عمل شعبي، أستاذ إياد قال هنعمل مدبح استغربنا؛ لإن لازم يبقي مصري، المنتج قال هنعمل كل حاجة كإننا في مصر". وتابعت غادة عبد الرازق قائلة :" الواحد مكنش متخيل ان هيلاقي الصعوبة دي من الظروف الاقتصادية وأزمة صحية مكناش عارفين هنصور ولا لاء، مكناش بننزل من الاوتيلات كان بيحتاج إننا تبقى مركزين مهما كان الواحد واخد باله من كل حاجة لازم هتعدي هفوة، لكن ربنا سترها ومضيعش مجهودنا، بحمد ربنا ان موقعناش في أي أخطاء، والحمد لله المسلسل نجح وعجب الناس". ومن جانبه حكى زوجها عن الصعوبات التي واجهته أيضًا، فقال :" الموضوع كان في صعوبة كبيرة إن نطلع لبنان زي مصر، مهندس الديكور تعب اوي ونقل معاه كل الاكسسورات اللي كانت بتتفرش وكان هناك من قبلنا حوالي ٤ أو ٥ شهور كان بيفرش الديكور،  كمان ندرة المعاد والكاميرات كان بيبقى صعب، لدرجة إننا بعتنا نجيب عدسات من مصر". وتابع هيثم زنيتا قائلاً :" المنتج أنور وصادق كانوا بيحاولوا يوفروا كل حاجة كنا بنتفق على الملابس ولون الصورة والديكورات عملنا مجهود كبير وفي ناس مكنتش مصدقة ان احنا بنصور برا مصر وده نجاح، الحمد لله ".