Share this on WhatsApp فجر – متابعات رد الفنان المصري أحمد سعد على الانتقادات التي تعرض لها لنشره صورة جمعته بالداعية مصطفى حسني الجمعة الماضية، ليعود أمس ويكرر الخطوة نفسها، مع تعليق عبّر فيه عن حزنه من الهجوم الذي طاله. ونشر سعد صورته مع مصطفى حسني عبر حسابه على إنستغرام وعلق: “الجمعة اللي فاتت قابلت الشيخ مصطفى حسني بعد صلاة الجمعة، واتصورنا مع بعض، ونزلت الصورة، حكم الناس وتعليقاتهم كان هجومي جدا، وكأن الجنة والنار اجتمعوا مع بعض في صورة واحدة!”. وأضاف: “قد إيه فرحني الشيخ مصطفى حسني لما قابلته الجمعة دي كمان وسألته إوعى تكون التعليقات ضايقتك ولو حابب أشيلها، قالي إزاي بتقول كده! إنت صحبي وحبيبي ويلا ناخد صورة كمان!”. وأكمل حديثه: “بيفرق أوي إن يكون في إيدك تكتب تعليق يجرح ويضايق حد وأنك يكون في إيدك كلمه حلوة تفرح بيها حد حتى لو مختلف عنك، شكرا يا شيخ مصطفى حسني على انفتاحك وتقبلك للآخرين، زي ماهم، وده دليل كبير أوي إنك حقيقي وإن المواعظ والمحبة اللي بتتكلم عنهم في خطبك حقيقي مش كلام بس، وياريت كلنا نتعلم نتقبل الآخرين أو على الأقل مانجرحش فيهم لمجرد اختلافنا عنهم وإن علاقتنا بربنا شيء خاص جدا”. وكان الفنان أحمد سعد قد تفاجأ بالهجوم عليه عبر التعليقات على صورته مع مصطفى حسني منذ الأسبوع الماضي؛ إذ انتقده عدد من المتابعين؛ لأنه نشر صورته من داخل المسجد ويصلي، وهو يرسم وشما على يده. وبعد البوست الذي نشره أمس الجمعة، تغير موقف الجمهور له عقب نشره للصورة الجديدة، وسانده العديد من المتابعين؛ إذ قال أحدهم “الحكم للواحد الأحد مش للناس اللي بتكتب كلمة تجرح حد بتكون جزء من شخصيته ونفسه غير المكتملة.. الله كريم ولطيف بعباده”. Share this on WhatsApp Share 0 Tweet 0 Share 0 Share