هاجمت الفنانة المصرية حلا شيحة الفنان تامر حسني من خلال منشور لها على موقع تبادل الصور الشهير «انستجرام» وذلك بسبب تجاهله لها وإخلاله ببعض الأشياء التى اتفقوا عليها وفقًا لما نشرته الفنانة . كشفت شيحة تبرؤها من العمل فى الوقت الراهن واستنكرت موقف الفنان تامر حسني وطرحه لفيديو كليب «بحبك» من فيلم «مش أنا»، والذى يتضمن مشاهد رومانسية تجمعه بها وكتبت قائلة : «تفاجأت بنزول كليب يجمع فيه مشاهد متفرقة من الفيلم وخصوصا بعد آخر منشور نزلته و وضحت فيه انا ايه ..و تفاجئت اكثر خصوصا بعد وعد تامر حسني ليا وتأكيده انه هیحترم رغبتي و بعض الطلبات اللي طلبتها منه بكل احترام وود الصيف الماضي وأکدلي إنه حيحترم رغبتي». وأضافت : «إحنا يمكن نجحنا بمقايس الدنيا بس صدقوني بمقایس ربنا احنا لم ولن ننجح انا عارفة و متاكدة ان زملائي جواهم خير بس للاسف فتنة الشهرة و النجاح مش بتخلينا نشوف ونقيس الامور صح بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل وبننسی». وتابعت : احنا كلنا عندنا امتحان في الدنيا دي و حابة افكرك بالفيديو ده یا تامر اللي قولت فيه انا مش بتمني أموت وأنا مطرب انا دايما خايف کده.. كلام أكيد قولته في لحظة صدق جواك و جوانا كلنا من شوفه تاني يمكن يفكرك أن جواك اكيد في صراع و انا و كلنا كلنا بنغلط بس المهم في الاخر نتدارك الغلط و نصلح .(إلا من تاب وآمن عمل عملا صلحا أولئك يبدل الله سيئاتهم حسنات وكان الله غفورا رحيما).. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد. وقامت الفنانة حلا شيحة بإلغاء متابعة الفنان تامر حسنى على موقع تبادل الصور إنستجرام ؛ كما غابت عن العرض الخاص لفيلم «مش أنا». اقرأ أيضًا طرح ألبوم جديد لنانسي عجرم بلهجات مصرية ولبنانية وخليجية