نشرت الفنانة إيمي سالم، عبر صفحتها على موقع التواصل الاجتماعي الشهير "فيس بوك"، بوست تحكي فيه واقعه حدثت بينها وبين المخرج محمد سامي،وعن تعامله السئ معها وذلك في حفل زفاف الفنانة نيللي كريم. حيث قالت:"في حاجة سيئة حصلت.. وكنت في حيرة أكتبها ولا لأ.. لكن قررت أكتبها... ورغم إنها حاجة سيئة لكنها حصلت للأسف في يوم سعيد جدا... هو يوم فرح أختي وحبيبتي نيللي كريم... طبعا قبل أي شيء مبروك للمرة المليون لنيللي، وكان يوم يجنن وده سبب سكوتي امبارح لأني كنت عايزه الفرح ميتعكرش صفوه وجماله". وأضافت:" كنت زمان بسمع كلمة إن الفنان الكبير الحقيقي لازم يكون إنسان كبير كمان... بس يمكن امبارح موقف أكدلي المقولة دي.. طبعا كلنا شفنا مسلسل " نسل الأغراب " في رمضان.. المسلسل اللي انتقده حوالي ال ٣٠٠ مليون عربي.. اللي انتقده حتى صناع العمل نفسهم وأبطاله كمان.. وشفنا فيه إهدار المال يشكل مرعب في مقابل عمل فني ركيك وضعيف للغاية، الحسنة الوحيدة فيه أسماء أبطاله الكبار جدا " السقا " " وكرارة" حتى الابطال الثانين ادوارهم انهارت عشان المدام تتلمع...لدرجة إن الشركة المتحدة قررت وقف التعامل مع الأستاذ المخرج من كتر رداءة المسلسل،و دي اول مرةتحصل في تاريخ الدراما لمخرج ". وأكملت قائلة:" طيب ايه بقى القصة.. القصة إني في رمضان وقت عرض المسلسل كنت زي كل الفنانين غالبا مش عاجبني المسلسل.. فكتبت تعليق على " بوست " كتبه الصديق " أيمن سليم " السينارست... وكان تعليق منتقد للمسلسل.. والنقد زي ما اتعلمنا جزء من الفن ، ولازم الفنان يتقبل النقد لأنه ده الدافع الوحيد لتحسين أداؤه وتحسين إنتاجه.. لكن إنك تلاقي فنان بياخد النقد على إنه خناقة شخصية وعركة في شارع ومقاطعة وخلاف". واستطردت قائله:"أنا مش هحكي عن علاقتي السابقة بإخوات الأستاذ محمد سامي البنات وبزوج أخته اللي اللي اعرفه قبل ما حتى اجي اعيش في مصر،امبارح وأنا بتحرك في الفرح لقيت الأستاذ المخرج المحترم أوي في وشي هو ومراته النجمة الأحادية التي لا تتكرر فأنا لأني بنت ناس... ولأني علموني إن انتقاد شيء..قدمته في الفن مش خناقة وعركة..فلقيتني بنية صافية بقوله.. هتسلم علي ولا مش عايز ؟ فما كان من الأستاذ محمد سامي المحترم أوي والراجل خالص.. حرفيا بيدفعني بإيده بشكل عنيف وبيوسع الطريق لمراته.. وكمان بيتلفظ بألفاظ سوقية عني وتابعت:"أنا سكت بس لحسابات، لأن تربيتي أولا متسمحش إني أنزل لمستوى الشوارعية والسوقيه ده وثانيا عشان الليلة الجميلة لنيللي تفضل ليلة جميلة،لكن حبيت أحكي الموقف بشكل علني هنا، عشان نعرف كلنا إزاي الأستاذ المخرج شخص لا يعرف معنى الفن ولا الزمالة ولا سمع عن الأخلاق، ولا يعرف ما معنى احترام المرأة". واختتمت حديثها قائلة:" حبيت أقول الكلمتين دول عشان نعرف مين هو محمد سامي، شكرا يا أستاذ محمد على أخلاقك اللي فعلا شبهك".