أكد نقيب المهن الموسيقية الفنان هاني شاكر، أن الفنان محمد رمضان وقع على قرار يتضمن التزامه بملابسه على المسرح وحركاته وكلام أغانيه، مؤكداً أن الأخير لم يلتزم بالإقرار بعد ذلك. وأضاف شاكر، خلال مقابلة تلفزيونية: "محمد رمضان من حفلتين فاتو مضى إقرار وقالي إنه هيلتزم باللبس والكلام لكن واضح أنه ملتزمش". وتابع: "إحنا مش جهة منع في النقابة لكن في جهة مسؤولة عن اللبس والكلام وهي المصنفات الفنية هما المنوطين به ودكتور خالد عبدالجليل عنده الضبطية القضائية اللي يقدر ينفذ بيها أي قرار هو عايزه، هو عضو نقابة مينفعش لما يجي يقول أنا عايز اطلع على المسرح اغني اقوله لا زي ما أنا هاجي امثل هروح لدكتور أشرف زكي اقوله عايز امثل مش هيقولي لا متمثلش". وعن إقرار سلوكيات المهنة قالشاكر حسب "روسيا اليوم": "لبسه وكلامه أنا ده عملته كسابقة مني لمحمد رمضان لمصلحته وخوفي عليه لأني عايز انصحه بالأفضل، ولو هو ملتزمش في جهات تقدر تحاسبه". وأضاف: "مش كل حاجة في العالم تتعمل تبقى مناسبة لينا أنا واحد من الآلافات بيسمعوه وبيشوفوه وبتكلم عن الفن اللي نفسي أوصله للناس وعايز ولادي واحفادي يشوفوها، اللون اللي بيقدمه محمد رمضان لون استعراضي ومش كل اللبس مناسب لينا في مصر ومش كل الأغاني مناسبة هو مش بيقول كلام خارج لكن كلامه فيه تفخيم وتمجيد لنفسه وكنت قلتله كدة بالصدفة في مكان وقلتله خد بالك إن مش لازم كل اللي تقوله إنك نمبر وأن بس هو ليه طريقه تفكير تانية". تابعوا آخر أخبارنا المحلية والرياضية وآخر المستجدات السياسية والإقتصادية عبر Google news Share طباعة فيسبوك تويتر لينكدين Pin Interest Whats App