حلت الإعلامية لينا شاكر، ضيفة الفنان أمير كرارة في حلقة خاصة من برنامج “سهرانين” والمذاع على قناة “on”.   وكشفت “شاكر” عن تفاصيل معاناتها مع مرض السرطان قائلة: "اكتشفت حاجة وروحت أكشف وكل التقارير طلعت إنه مش ورم خبيث وحجزولى إنى أعمل عملية". ،وتابعت “شاكر”: "بدأت قصص طويلة مع العلاج بالكيماوى والإشعاعى، وطبعا اتخضيت في الأول ووقتها قلت لنفسى حاجة واحدة إن أنا مش أحسن من أي حد بيجيله مرض أو يمر بمحنة من ربنا، وقلت خلاص لازم أكون قوية بإيمانى بربنا وصبرى وأهلى وحبايبى اللى بيحبونى كانوا داعم كبير ليا".   وأضافت: "أول حد عرف إنى مصابة بمرض السرطان كان الإعلامى شريف مدكور، ومكنتش عاوزة حد يعرف والموضوع كان صعب على إنى أقوله لأهلى بس كمان جه وقت لازم يعرفوا، وأنا مريت بالتجربة قبل كدة مع والدتى لمدة 12 سنة أثناء إصابتها بمرض السرطان، وكمان عيشت التجربة مع شريف مدكور وكنت معاه برده في رحلته".