تحدث الفنان محمد ممدوح، عن الممثلين الذي تعلم منهم التمثيل، مشيرا في البداية إلى أنه تأثر بالعديد من الفنانين   وكشف محمد  ممدوح خلال حديثه مع الإعلامي يوسف الحسيني، في برنامج التاسعة المذاع عبر شاشة قناة الأولى المصرية قائلا: "حقيقي دون مجاملة هما كتير اللي خلوني أشوف الأفلام وأفكر فيها بشكل مختلف، زي عبد الله غيث، ويحيى الفخراني، وأحمد زكي،  ونور الشريف، أنا اتعلمت من كل حد حاجة، وفهمت يعني إيه رسالة، حتى لو قدمت فيلم كوميدي، الضحك رسالة إني أقعد أتفرج وأتبسط. وأضاف ممدوح: "إحنا عندنا أساتذة كبار، أنا شايف من وجهة نظري إن العالمية دي بتاعهتم هما بتاعت اللي عملوها، يعني الواحد بيتفرج مثلا على أفلام الأوسكار، بيلاقيهم بيدوا الجائزة لفيلم عادي، مع إن فيه أفلام تانية حلوة، بيدوا الجوائز للي هما عايزينه دي من وجهة نظري.   وكان قد حصل الفنان محمد ممدوح على جائزة أفضل ممثل في مهرجان القاهرة السينمائي بدورته الـ 43، عن دوره في فيلم أبو صدام، الذي شارك في المسابقة الرسمية للمهرجان.