حرص الفنان تامر فرج، على تواجده أثناء العرض الأول لفيلم "برا المنهج " الذي عرض أمس في أحد السينمات الكبرى بالتجمع الخامس، وأوضح رأيه في بطولة الفيلم لطفل قائلًا: " بطولة الفيلم لطفل ده شيء متقدم جدا تفتقده السينما المصرية منذ زمن طويل"، كما كشف كواليس الآنسة فرح والإنتقادات التي تتعرض لها الفنانة رانيا يوسف.   وقال في تصريح خاص لـ "الفجر الفني": "كنت متخيل نجاح الآنسة فرح لأن كل العوامل فيه موجودة من إنتاج وتمثيل وكتابة وإخراج، لاكن لم أتخيل  نجاحه بالشكل ده، النجاح فاق التوقع لأن في مشكلة في موضوع الأجزاء، وهي هل الجزء الأول زي التاني ولا أقل وهكذا  مخاوفنا كانت لهذة الأسباب من موضوع الأجزاء وردود الأفعال غير طبيعية لأن كل جزء أحلى من اللي قبله".   وتابع:" الكواليس كانت ممتعة جدًا لأننا ٣ سنين بنشتغل مع بعض فأصبحنا عيلة واحدة ووجود الأستاذ وائل فرج هو رب العمل ورانيا يوسف هي ومراتي اصبحه أصدقاء جدا".   وعن الإنتقادات اللتي تتعرض لها رانيا يوسف من وقت لآخر أوضح تامر فرج للفجر الفني:" رانيا إنسانة عفوية جدا ومش بتحسب حساب الخطوات اللي هي بتاخدها وهي بتشتغل بطبيعتها وهي مش عايزة إنها تتغير عن كدة فبالتالي بتفعل أي شيء يخطر على بالها وبحسن نية جدا غير اللي ناس بتتكلم عنه بعد كدة.. والصحافة هي اللي بتوصل غلط علشان كدة الناس بتفهمها غلط،لاكن هي مش فدامغها خالص إنتقادات الناس وهي لم  تطلع حاليًا على أي شيء". وعن أعماله القادمة قال:" إنتهيت من تصوير مسلسل وجوه حكاية "وش ثالث" وهو  15حلقة مع الفنانة حنان مطاوع ومحمود عبد المغني،وبدئت تصوير مسلسل سوشيال مع الفنان أحمد زاهر".