حل صناع فيلم "الحفرة" ضيوفًا على برنامج "معكم منى الشاذلي" الذي تقدمه الإعلامية منة الشاذلي الذي يعرض على شاشة cbc.   وتحدثوا عن كواليس تحضيرات الفيلم، حيث قال صدقى صخر: "الموضوع تسلل ليا عن طريق عمرو عابد، جاني في يوم وأدانى الإسكريبت وقالى أنا كتبت فيلم قصير وعاوز اشوف رأيك واتكلمنا واديته رايى، فقال لي أنا عاوزك بقى تلعب الدور وقلت له يلا، ولقيت كمان كريم قاسم المتكفل بالإنتاج فحسيت أننا شوية أصحاب سوا وشغفنا وحبنا للسينما والصناعة هنعمل حاجة كويسة".   وقال عمرو عابد: "بالنسبة لاختيار أحمد البنهاوي هو أول شخص جه في بإلى من اللى كنا مع بعض في ورشة تمثيل في 2006، ومكناش بنتقابل أو بنتقابل كل فين وفين وصدفة ومش معايا رقمه حتى وكلمت حد صاحبنا وقلت له ادينى رقم بنهاوي وكلمته".   وأضاف: "لقيته بيقولى تعالى نتقابل بكرة، وقالى أنا بعمل فيلم واخدت منه الإسكريبت الساعة 12 بليل وقلتله ايه اللى كتبته ده أنا معاك طبعا".   وتابع صدقى صخر: "تحضير الفيلم القصير أكبر بكتير من حاجات بنعملها في السوق، وكمان بيكون في مساحة ومش مرتبطين بمعايير تجارية أو منتظرين ربح من الفيلم، ولكن بنعمله عشان القيمة الفنية".   واستضافتهم بعد ذلك الإعلامية منى الشاذلى في فقرة أسئلة محرجة، حيث صرح كل من: كريم قاسم وأحمد البنتهاوى وعمرو عابد، بأنهم تعرضوا للضرب من قبل في الخناقات، كما رووا مواقف كوميدية وطريفة تعرضوا لها أثناء سفرهم بالطيران.   واختتمت الحلقة بمسابقة ارتدوا فيها ملابس الكريسماس وبابا نويل مليئة بالفكاهة.