انتقد نجم النادي الأهلي الأسبق ومنتخب مصر طه إسماعيل تصرفات الجنوب إفريقي بيتسو موسيماني في مباريات بطولة كأس الرابطة. وقال إسماعيل على هامش تواجده في الاستوديو التحليلي لمباراة الأهلي والبنك الأهلي:"للأسف الشديد موسيماني منذ أن بدأت بطولة الرابطة بيعمل أشياء غريبة ليس لها معنى.. مرة ألعب بالناشئين مرة واحدة ومرة لأ".   وأضاف:"الأهلي المفروض بيستعد لكأس العالم للأندية.. طيب فين اللاعيبة اللي بتجهزهم للبطولة؟".   وزاد:" أنت هتلعب في كأس العالم بالكبار اللي عندك ولا الصغيرين أنا مش فاهم.. يبقى تنسحب من كأس العالم ومتعملش فضيحة".   وأكمل:" مفيش مدرب في تاريخ الأهلي يعمل السذاجة والكلام الفارغ اللي بيحصل ده.. وبحذر الأهلي إن هيبقى في خسارة كبيرة قدام مونتيري.. كل البوادر باينة".