فيفي عبده: كنت هتطلق بسبب عبد الحليم حافظ اعلنت الفنانة المصرية فيفي_عبده، عن موقف جمعها بالعندليب عبد الحليم حافظ، كاد يتسبب في طلاقها. وقالت فيفي، خلال حوارها ببرنامج “السيرة” مع المذيعة وفاء الكيلاني، على قناة DMC: “أنا كنت في إمبابة، وبعد ما دخلت الفن أجرت شقة في الزمالك بـ150 جنيه، عشان أبقى في منطقة الفنانين، كانت جنبي سعاد حسني وعبد الحليم حافظ وأم كلثوم ومحمد عبد الوهاب ورشدي أباظة وسامية جمال”. أضافت: “وقتها زوجي كان عنده اجتماع في أحد الفنادق، واستنيته تحت على بال ما يخلص، لقيت عبد الحليم حافظ داخل ومعاه شفيق جلال، نادى عليّا وقالي تعالي يا بنت بيقولوا عليكي رقاصة شاطرة أوي). استكملت: (أنا فرحت أوي، وراح واخدني من إيدي وقعدت معاه، نزل جوزي قامت قيامته لما لقاني مع عبد الحليم، قولتله لأ بالسلامة، مطلقناش لكن كنت هطلق بسبب إنه جه لقاني مع عبد الحليم). فيفي من أهم الراقصات، واستطاعت أن تصنع اسمًا في مدرسة الرقص الشرقيّ، بعد العروض الراقصة المميزة التي قدّمتها عبر التاريخ لكلّ من الكبيرات تحية كاريوكا، نعيمة عاكف، نجوى فؤاد، سامية جمال.