أستضاف الإعلامي أمير كرارة في برنامجه "سهرانين" الفنان خالد عجاج والفنان محمد دياب.   وتعرض الحلقة على قناة ON، فى حلقتين من جزئين، الأولى أمس الخميس، والثانية اليوم الجمعة.   وتحدث دياب، عن علاقته بنصر محروس ودوره فى صناعة الموسيقى، قائلا "نفسى أعمل شخصية نصر محروس فى فيلم أعظم صانع موسيقى فى السنوات الأخيرة كانت بدايتي معاه عملت غمازات، ومكنتش فاهمها فى الأول وكمان مفهمتش أغنية (العو)"، وعلق ساخرا: "لما سمعت الأغنية على بعضها عرفت إني حمار وكل الأغاني اللى فهمتها مانجحتش".   وتابع "أول ماتعاقدت مع نصر محروس كانت الناس بتقول مش هينتجلك حاجة، يا عم سيبه، بعدها كلمنى وقالى روح اتفرج على البوستر بتاعك فى أي محل كاسيت، وكنت فرحان جدا".   ومن جانب أخر كشف الفنان دياب عن كواليس أول فرح قام بالغناء فيه في بداياته الفنية، قائلا: "لما كان عندي 15 سنة نزلت فرح بالصدفة".   وأكمل حديثة قائلا "بالصدفة لقيت واحد بينادي عليا وطلبني للغناء في فرح خاص به، واداني 20 جنيه ساعتها قبل الفرح وأعطاني بعد الفرح 25 جنيه تاني"، مضيفا: "استلفت لبس حرير عشان أشارك بيه في الفرح وربنا كرمني وبدأت أشارك في أفراح كثيرة".