سيطرت حالة من الغضب بين جموع المواطنين بعد انتشار فيديو لعروسة تتعرض للضرب على يد عريسها أمام أحد صالونات التجميل، بمحافظة الإسماعيلية. وتفاعل العديد من الإعلاميين والفنانين مع الواقعة، وفي هذا التقرير ترصد لكم "بوابة الفجر" أبرز ردود الأفعال في التالي:   رضوى الشربيني عبرت الإعلامية رضوى الشربيني عن غضبها على هذه الواقعة وكتبت عبر حسابها الشخصي على فيسبوك: ده العادي لما التور بينطح البهيمة في الزريبة لكن غير كده قطع ايد كل واحد يمد ايده على وحده ست... أهل البندر زي أهل الريف زي أهل الصعيد عندهم كرامه يا عديم الكرامه... والبلد دي فيها قانون لي أمثالك... لأ وبيتقال عليك راجل قال. ريهام سعيد علقت الإعلامية ريهام سعيد، قائلة: غلطتي غلطة عمرك إنك كملتي وهايبقي غلط أكبر لو استمريتي، هايضربك تاني وتالت ورابع وهايضربك ادام عيالك ليه؟ عشان الحب؟ فين هو ده؟ ساعات في قرارات بتبقي صعبه أوي الواحد ياخدها بس لو نجح إنه ياخدها ويتحدي الناس والخوف هايشتري حياته إلى هايعيشها مره واحده بس.   آسر ياسين علق الفنان آسر ياسين على الواقعة وكتب عبر حسابه الشخصي على موقع التواصل الإجتماعي فيسبوك: جدي كان دايمًا يقوللي، عارف الفرق بين الراجل اللي بصح والراجل الغلط؟ الراجل اللي بصح مرته بتمشي جدامه ويصونها زي الملكة وتابع ياسين، أما الراجل الغلط هو اللي بيجر مرته وراه زي البهيمة ويمد ايده عليها. نشوى مصطفى   علقت الفنانة نشوى مصطفى، على الواقعة قائلة: الرجالة ولاد الأصل العالي بيربوا ولادهم إن الراجل كامل الرجولة مايمدش ايده على واحدة ست.   أسما إبراهيم وجهت الإعلامية أسما إبراهيم، كلمة إلى عروس الإسماعيلية في برنامجها "حبر سري"، قائلة: الله يعينك على اللي جاي وكل اللي حقدر أقوله ربنا يهديهولك طلما انتي ارتضيتي الإهانة من أول يوم. واختتمت، رفقًا بالقوارير ما أكرمهم إلا كريم وما أهانهم إلا لئيم.   ياسمين عز علقت الإعلامية ياسمين عز على الواقعة في برنامجها قائلة: مش معقول العروسة تبوظ فرحتها وحب 13 سنه عشان موقف مش عارفين تفاصيله، من المفترض الزوجة تحتوي الرجل فهو بطبعه حمش والعروسة بنت أصول واحتوت الموقف، وأكيد العريس عنده رصيد كبير خلاها تسامحه، والمثل بيقول ضل راجل ولا ضل حيطة. مايا مرسي علقت مايا مرسي رئيسة المجلس القومي للمرأة عن الواقعة قائلة: ياراجل الرجال لا يضربن النساء، ياراجل بتضرب مراتك وهي بفستان الفرح، ياراجل بتضربها في الشارع وقدام الناس. وتابعت مرسي، يا عروسة أنت عملت صلح بس افتكري الصلح مش خير خالص في حالتك مش هنستغرب ابدا أن يتهور عليكي ويقتلك أو يضربك أمام أولادك أو في الشارع تاني وأنت معك الولاد. واختتمت، أن غياب التربية والأحترام والمرؤة هم بداية انهيار الاسرة.