كشف مطرب المهرجانات حمو بيكا، تفاصيل مرضه الذي دار حول تكاليف علاجه الكثير من الجدل خلال الفترة الماضية، قائلا: "المرض بتاعي مناعي بمعنى أن الجهاز المناعي المفروض بيهاجم أي باكتيريا ضارة والجهاز المناعي جاله خلل وبالتالي بيهاجم أي حاجة فى أجهزة جسمي وساعات برجع دم". وأضاف المطرب حمو بيكا، خلال حواره ببرنامج "حبر سري"، مع الإعلامية أسما إبراهيم، على قناة “القاهرة والناس”، أنه يعاني من المرض والتعب حينما يحدث خلل بجهازه المناعي، متابعا: "بيحصل لي مشاكل في معدتي كبيرة وبأخذ ابره اللي هي بتعلم تهدئة لجهازي المناعي وعلاجه الإبرة فقط أول مرة أخدتها كان بـ120 ألف، وكل شهرين المفروض بأخذ ابره تمنها 20 الف". وتابع: "لما جت جائحة كورونا خفت أخذ الحقنة عشان مش هيبقى فى مناعة في جسمي، والمرض ده جالي بعد الشهرة وممنوع أكل حاجات كتير وعايش على المكرونة وشوربة الخضار ولسان العصفور والميه نفسها مش بشربها، والناس اللي بتتريق عليا وعلى بطني ده اصلا مرض ودلوقتي مش معايا أخد الإبره".