كشف الفنان كريم قاسم عن تفاصيل تعاونه للمرة الثانية مع النجمة ريهام حجاج من خلال مسلسل "يوتيرن"، والذي يعرض حاليًا في سباق دراما رمضان، وتحدث قاسم عن العديد من الأمور المتعلقة بالمسلسل، والتي شغلت الجمهور خلال الأيام الماضية.    ونشرت النجمة ريهام حجاج عبر حسابه على "إنستجرام" فيديو كريم، والذي قال فيه:"المسلسل واجه افتراء من بعض الناس، حد يطلع يعمل مونتير ويقولك أنا اشتغلت وهو أصلًا مالهوش علاقة بالمسلسل، وواحدة تتكلم على التتر وتقولك أصلها ظلمتني، يا جماعة أنتوا بتلغوا مؤسسة كاملة، فيه شركة إنتاج، وفيه مخرج، وفيه ناس تانية بتاخد قرارات، أنا عمال أغني ظلم ظلمات بتاعت التتر بسبب المواقف دي، فى إيه يا جماعة، وابتديت أحس إن فيه حاجة ممنهجة، بالذات ضد ريهام". وأضاف قاسم فى الفيديو المنشور له قائلا: "أنا متفهم إن فيه ناس ممكن ما تحبش ممثل، لكن لما جيت أركز شوية، ولما تابعت الكومنتات، لقيت حوالى 70 ٪ منها صفحات فاك عمرها ما نشرت بوستات، وبالمناسبة أنا تاني سنة أشتغل مع ريهام حجاج ما شوفتش منها حاجة واحدة وحشة، بل بالعكس وقفت جانبي كتير، أوقات كتير ماكنتش قادر أشتغل سواء السنة دي، أو السنة قبل اللى فاتت أو متضايق من حاجة أو كدة، كانت هي تتدخل وتحل رغم إن ده مش شغلانتها، ففعلًا أنا ما شوفتش منها حاجة واحدة وحشة". وتابع قاسم خلال حديثه قائلًا:" أما فيما يتعلق بالأستاذ توفيق، إحنا كلنا إتفاجئنا إنه نزل البوست ده فى التوقيت ده، بس أنا برضه مع شغلى معاه مقدر جدًا؛ لأن الظروف اللى بنشتغل فيها أتغيرت، إحنا بنصور يوميًا 14 و18 ساعة وأحيانًا بنوصل لـ 23 ساعة يوميًا، وطبعًا أنا مقدر ظروفه الصحية". يذكر أن مسلسل "يوتيرن" يعرض على قنوات  cbc، الحياة،ON  ومنصة watch it، والعمل بطولة ريهام حجاج، الفنان الكبير توفيق عبد الحميد، عبير صبرى، كريم قاسم، محمود حجازي، أيمن القيسوني، صفاء الطوخي، محمود حجازي، نانسي صلاح، نورهان، عبير منير، هلا السعيد وعدد آخر من الفنانين، والعمل تأليف أيمن سلامة، من إنتاج جمال العدل، وإخراج سامح عبد العزيز.