أكد المطرب عمرو مصطفى، عدم صحة ما يشاع عنه من اتهامه بالتعاون مع مطربين اسرائيليين، قائلا: "طلعت وهاجمت الناس اللي أخذت مني الاغاني وكان الكلام ده من 10 سنين، وهما اللي طلعوا في البرامج بتاعتهم وقالوا نفسنا نتعاون مع عمرو مصطفى". وأضاف الفنان عمرو مصطفى، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، أنه من المستحيل أن يتعاون مع مطربين اسرائيليين، متابعا: "مستحيل اتعاون مع اسرائيليين وأنا اللي عملت بشرة خيرة". ووصف عمرو مصطفى، نفسه بأنه "أسطورة الجيل"، مضيفا: "أنا اسطورة الجيل لما مطرب بيعمل تلاتة ولا أربع اغاني في مسيرته ولو أنت عامل الفين اغنية تبقى ايه اسطورة".