وجه الفنان هشام جمال، رسالة لـ عمرو وهبة،وذلك من خلال حسابه على موقع الصور والفيديوهات “إنستجرام".   وكتب “جمال” على صورة لـ عمرو وهبة من مسلسل “في بيتنا روبوت”، قائلا: "كنت مستني اخلص دوشة رمضان عشان اشكرك يا عمرو على حاجات كتير جدا أولها أخلاقك وأدبك وتربيتك السويه ودي حاجه لازم نشكر بيتك وأهلك عليها انت ملكش فضل فيها اوى".   وتابع:  "ثانيا على شطارتك واجتهادك والتزامك وتطورك وتحملك المسؤوليه كمؤلف وبطل، وعلى حاجات تانيه كتير مش مسؤوليتك لكن كنت بتعملها وبتساعد فيها كإنه ا اكتر من واجب أو التزام عليك..ثالثا على نفسيتك وحبك لكل الممثلين وانك كتبت لكل واحد فينا كأنك بتكتب لنفسك..تقريبا كل جمله اتقالت في المسلسل، وكل تفاصيل ولزمات الضحك عند كل الشخصيات..هو كلام كتبه عمرو أو زوده واحنا واقفين في اللوكيشن، وساعات كتير في مشاهد هو مش بيصور فيها اصلا بس بيقف مخصوص عشان يزود".