شركة رقمي
نقل من موقع 
أضواء – عرعر : الشاعر عبدالعزيز سحل ، المختلف في كل شيء ، تجده في مختلف اغراض الشعر ، له روح جميلة ونفس شعري نبيل ، دعونا نتقاسم معه رغيف الشعر ونغمسها في سمن القصيدة . بنيت لك بيتٍ اساسه من الطين قواعده صلبه وقاعه متينه بيتٍ رحب ما يجتمع فيه شخصين انتي لحالك ( ياهيا ) تسكنينه بسم الله اقرأ عن جداره من العين لبنه طمأنينه ولبنه سكينه صرحٍ ممرد من زهور ورياحين عسى السعاده ما تفارق سنينه انا طلبتك لا وصلتيه تكفين استاذني نفسك قبل تدخلينه مفتاحه احساسك كثر ما تحسّين يفتح لك ابواب العهود الثمينه فكي شراع العاطفه لا تخافين كل المشاعر في ايادي امينه لك الامان انّي على ما تمنّين ملح البحر ماطب جوف السفينه نطلق مشاعرنا ونبقى مجانين حرام تبقى في جسدها سجينه عبدالعزيز بن سحل ـــــــــــــــــــــــــــــــــــــــــــــــــــــــــــــــــــــــــــــ وداعـة الله ياحـيـاة الطفـولـه روّح بأمان الله ياعهـد الأطفـال ياعهـد كنـا نلتقـي بالسهـولـه نفرح ولانخشى حواسـد وعـذال نلعب اليـن الليـل يبـدا حلولـه ونترك بعضنا ونتواعـد بالاقبـال وعند الصباح اقوم ساعة وصولـه امسك يديها وانتسائل عن الحـال اسكت الين الزيـن يوفـي بقولـه وعند الظهر اصير له فيّ واضلال واذا اعترف لي صادقٍ في ميولـه نحوي تبدد خاطري كبر واجـلال اقوم وامسك في يديـن الخجولـة ماهمني حاسـد ولا عـاذلٍ قـال واليـوم ياعهداكتمـال الرجولـه بدت الاعيـب العـواذل وأنـذال والحظ الاقشر قام وارسل رسولـه مع كل هبت ريح يـدز مرسـال اذا نويت اشـوف بنـت الحمولـه قالوا البسي الشيله ترى جاك رجال ياليتهـا ترجـع حيـاة الطفولـه لاتلبس الشيله ولا بلبـس اعقـال عبدالعزيز بن سحل ــــــــــــــــــــــــــــــــــــــــــــــــــــ غيّم سما الكون وبله هل في ليله بوارق الغيث فيها حب واهيامي مجنون والماء حفر بالخافيه سيله واسقى محاصيل قاعه والسما ظامي بانت بشاير ظهور اول محاصيله رب الموالح حسبها شهور وايامي الضيف قادم وحق الضيف تنزيله ذنب الفريسه علق في ذمة الرامي ينزف براكين دمع وناس تدعيله يبكي وغيره سعيد محقق أحلامي ماقسى من الحلم غير احداث تأويله احلام ايقاظ ماهي احلام نيّامي والسيّد اللي يناظر فوق عزّيله ماهو ظروري انفذ امره السامي لا يحرث الارض ما تحفر معاويله اعلى شموخ ارتفاعه يلمس اقدامي يحرم علي اتقهوى من فناجيله الين يحني عظيم الراس قدّامي علمني الوقت كيف اعرف مداخيله احب قولي يطابق وضع هندامي عبدالعزيز بن سحل https://www.adhwa.sa/wp-content/uploads/2022/05/4556654.mp4 https://www.adhwa.sa/wp-content/uploads/2022/05/WhatsApp-Video-2022-05-11-at-11.41.19-AM.mp4
مشاركة :
