كشف الفنان الشاب وائل عبد العزيز، شقيق الفنانة ياسمين عبد العزيز، سبب ابتعاد والدهما محمد عبد العزيز عن التمثيل، وإصابته فيما بعد بالاكتئاب،وذلك عبر صفحته الشخصية مىقع تبادل الصور والفيديوهات "إنستجرام".   نشر وائل عبد العزيز صور لوالده برفقة الفنان الراحل حسن يوسف وعلق عليها قائلا “ على اليمين النجم الكبير الأستاذ  حسن يوسف ربنا يديله الصحة والعافية، واللي على الشمال الأستاذ محمد عبد العزيز، كانوا أصحاب ومثلوا مع بعض في الجامعة، عدت السنين ومحمد عمل كام دور صغير واتجوز والظروف مكانتش في صالحه مع إنه ممثل شاطر".   وأضاف "لكنه اختار يبعد عن حلمه عشان يعرف يشتغل ويربي ولاده اللي بقوا 3، وكمل دراسته لحد ما وصل للدراسات العليا والدكتوراه في إدارة الأعمال، واشتغل في فندق من أكبر فنادق مصر، واترقى إلى أن وصل رئيس للمخازن والحسابات للفندق".   وتابع "قعد طوال حياته يزرع موهبته في عياله وكان بيحب يغني ويمثل ويقف يمثلهم أهم مشاهد عالميه باللغة العربية والعامية، وفي يوم اكتشف عملية اختلاس كبيرة في الفندق، وقف قدامهم كلهم واتخذ خطوات قانونية تجاههم، لكنه كان لوحده مقدرش عليهم، اكتئب وساب الشغل، ولأنه رجل مبيسبش فرض راح لربنا أكتر وزهد الدنيا بما فيها، وكبر وعدت السنين وفضل محمد بنفس الروح الجميلة الطيبة راضي بأمر الله ومبسوط في حياته".   وأختتم حديثة قائلا "الراجل ده أبويا اللي بتشرف بيه اللي عمره ما كدب أو مكانش حقاني، اللي علمني إن الحق أحق أن يتبع، كان بيقلي لو آخر يوم في عمرك قول الحق، ربنا يديك الصحة يا والدي ويخليك ليا".