دشن الشاعر تامر حسين، هجومًا حادًا على مؤدي المهرجانات الشعبية حسن شاكوش، على خلفية اتهامه صُناع أغنية حاجة مستخبية للفنان محمد حماقي، بالسرقة من أغنية تركية، واصفًا حديثه بـ "المستفز وتصريحات غير موفقة تمامًا".   و أضاف تامر حسين عبر حسابه الرسمي بموقع التواصل الاجتماعي "فيسبوك": " الراجل مسرقش لحن حاجة مستخبية ده من إبداعه.. وده تعدي على حقه الأدبي وممكن يقاضيك وياخد تعويض على إساءتك وجهلك بالمعلومة شتان الفرق الشاسع بينك وبين نجم كبير زي محمد حماقي فنيًا وأدبيًا وثقافيًا وذوقيًا من حيث المحتوى والمضمون.. وسيبك من الزمن اللي إحنا فيه وتدني الذوق العام وإعلانات اليوتيوب الممولة اللي خليتك تطلع تقول أغنية محمد حماقي جايبة 16 مليون مُشاهدة.. وكأنك مايكل جاكسون".   وتابع قائلًا: "هتعدي السنين وهتشوف اللى هيعيش حاجة مِستخبية ولا أغنيتك اللي لولا نجاح أغنية محمد حماقي وتوصيلها لأكبر قدر من الجمهور مكنتش أغنيتك اشتهرت على الجاهز.. الراجلِ ساهم في نجاحها فمن الذوق تشكره وتتكلم بأسلوب أرقى مِن كدة.. على ناس كان سبب في نجاح ورزق ليك وماحدش جرح فيك.. على ناس كان سبب في نجاح ورزق ليك وماحدش جرح فيك.. كلهم دعموكم عشان تاكلوا عيش وتنجحوا وأهاليكم وحبايبكم يفرحوا بيكم والراجل أقدم مِنك وأشهر مِنك يبقى تقدره.. وتتكلم بشكل مُنصف".   واستطرد تامر حسين: "صُناع الأغنية المُبدعين المُبتكرين  الشاعر المبدع محمد عاطف والملحن المُبدع صاحب اللحن الأصلي  اللي اتاخد في تركيا  للنشر بُمقابل مالي والموزع الكبير أحمد إبراهيم.. دول ناس يستحقوا الشكر في العلن مش تشويه وتقليل، من شأن أغنيتهم اللي نجحت جدًا في سنة نزولها، وكانت أنجح أغاني السنة".    وناشد وسائل الإعلام بعدم استضافة حسن شاكوش: "تمنى من الإعلام والمسؤولين عن اختيار الضيف يصدروا للمُجتمع حاجات وطاقات حلوة مُبهجة مُستنيرة وعندها قدر من الوعي والاحترام والتقدير والذوقيات". منشور تامر حسين منشور تامر حسين