شركة رقمي
نقل من موقع 
يشعر جراح الحوامدة وكأنه في بيته عندما يكون وسط الجبال. الشاب الاردني الذي فقد ساقه بسبب مرض السرطان عندما كان في الخامسة عشرة من عمره يقول انه يشعر «بالحرية» أثناء تسلق التضاريس الوعرة أو الصعود الى قمة جبل. وقال: «بعد ما خسرت رجلي حببت أن أثبت للناس ان كل انسان قادر على تحقيق المستحيل بطرف أو بدون طرف قادر على تحقيق المستحيل. ما تطلعون علي نظرة الشفقة انه اه يا حرام خسر رجله لا خسرت رجلي بس كسبت الجبال وكسبت حبي للرياضة وحبي لتسلق الجبال. بعد ما خسرت رجلي بلشت أتسلق الجبال حتى أوصل رسالتي للعالم انه جراح انسان قادر على تقديم الافضل دائما». ويتردد المتسلق البالغ من العمر 27 عاما على مركز تدريب على التسلق أسبوعيا للحفاظ على لياقته البدنية والتدرب على الرحلات الاستكشافية المستقبلية. وقال: «الرياضة زي هاي الرياضة قدها رجلين بدها ايدين بدها كل جسمك يكون متكاملا لحتى تقدر تمارسها بشكل مناسب. لكن كسرت القاعدة زي ما في كثير ناس بالعالم كسروا هاي القاعدة. حبيت أكون الشاب العربي اللي بيكسر هاي القاعدة وبيتسلق نوعين من التسلق أنا أتسلق تسلقا صخريا وتسلقا جبليا. اخر رحلة الي كانت لجبل أرارات أعلى قمة بتركيا والحمد الله تكللت بالنجاح». ويركز الحوامدة على تقوية عضلاته وتقنيات التعلم لمساعدته على التغلب على أي تحديات قد يواجهها أثناء التسلق. وقال: «تقريبا بنيجي هون بنتمرن نحكي ساعتين باليوم بنيجي ثلاث مرات بالاسبوع أو أربع مرات بالاسبوع. هنا نتعلم التقنية أكثر نتعلم المشاكل اللي بنواجهها خلال التسلق ومناطق الضعف اللي بالجسم بنقويها بهذا المكان». وتحدث عن المصاعب التي واجهها قائلا: «أول قمة كانت جبال أم الدامي كانت صراحة شوي صعبة مع انها مش قمة كثير عالية 1500 متر تقريبا، لكن هو بحس دائما الايمان بحالك وايمانك جوا عقلك كيف انت تحب تعمل هذا الشيء ولا مو حابه. اذا مو حابه لو تجتمع الدنيا كلها ما بتحببك في ما راح تقدر لكن صراحة أنا كان عندي الموضوع فكنت فضولي كنت اه يلا أطلع اه. متعب أجري انصبت أجري انجرحت من هون صار في تعب جسمي كله عم بتعب عضلاتي عم تتعب انه مش متعود على هاي الرياضة أبدا. طالع من فترة علاج كثير طويلة لكن الحمد الله بعد فترة خلص صار الموضوع ادمان». ومع التدرب على كل من التسلق الصخري والجبلي تمكن الحوامدة من تسلق قمة كليمنجارو أعلى جبل في إفريقيا بالاضافة الى جبال في الاردن وتركيا. وقال انه يشعر بأنه حر عندما يمارس رياضة التسلق. ويراوده حلم تسلق «القمم السبع» المؤلفة من أعلى قمة في كل من القارات السبع.
مشاركة :
