تصدرت الفنانة حلا شيحة محركات البحث في الآونة الأخيرة، وأُشيع خبر طلاقها هي والداعية معز مسعود، بسبب صورة نشرتها على صفحتها الخاصة على موقع انستجرام.   مفيش خبر يخص الطلاق صحيح كتبت الفنانة حلا شيحة عبر صفحتها الخاصة على انستجرام: لكل المتابعين والمحبين على صفحتي وفي الوطن العربي، حابة أقولكم مفيش أي خبر اتكتب عن معز وعني يخص الطلاق صحيح، وكلامي في البوست اللي فات كان كلام عام ولم أقصد به حد معين أبدا. وتابعت: معز بعيد عن الكلام ده تمامًا، بالعكس، هو سبب كبير لحاجات جميلة في حياتي وحياة أولادي، ومشفتش كتير زي أخلاقه واحترامه، وعيب الكلام اللي بيتقال على صفحات السوشيال ميديا، كله مش صح أبدًا، والله في مشاكل أكبر بكتير وحاجات أهم بكتير ممكن نتكلم فيها، وأنا على صفحتي بحب أشارك جمهوري ساعات بمعاني بحسها وبحسهم زيي وبحب أتواصل معاهم وأبقى موجودة معاهم مش أكتر من كدة. وعن حجابها قالت حلا شيحة: بالنسبة لحجابي أنا قلت بحاول زيي زي بنات كتير وأكيد مش أحسن حاجة، بس أنا كدة دلوقتي والحمد لله، وأنا مش شيخة، أنا إنسانة عادية جدًا، ليا حسناتي وليا سيئاتي، والبشر كلهم كدة، فبلاش حد يزايد على حد وبدل ما تتريق أو نقول كلام مش مهم نكون متصالحين مع نفسنا ونبطل نحكم على بعض، إحنا بشر مش ملايكة، يالا أنا مسامحة الكل معلش بشر برده.   مش عيب نصلح أخطاءنا وفي سابق، كانت الفنانة حلا شيحة قد نشرت قد نشرت صورة على صفحتها الخاصة على انستجرام تجمعها بابتها واحدى صديقاتها وكتبت: لحظات في حياتنا بتعدي مع أولادنا بنحس بيها بفرحة وحب وأمل، ولحظات مع نفسنا بنتأمل فيها حياتنا. وأكملت: علشان كدا مفيش حاجه تستاهل الزعل والتفكير الزيادة وأجمل حاجه إن الواحد لما يتعب أو يحس إنه تايه أو متلخبط لازم يبقى متأكد أن مشاعره بتقوله حاجات محتاج يعرفها أو يفهمها أو يفهم نفسه أكتر، ونتعلم ومش عيب نقول غلطنا ومش عيب نصلح أخطاءنا. واختتمت كلامها قائلة، أهم حاجة منكملش ونعاند نفسنا ونعاقب نفسنا ونحكم على نفسنا بالفشل، والفشل أننا نسيب نفسنا جوا نفس المشاكل ونستلم.   زواجها من معز مسعود واحتفلت الفنانة حلا شيحة بزفافها على الدعية والمنتج معز مسعود في فبراير من العام الماضي، داخل أحد الفنادق النيلية، واقتصر الحضور على أسرتي العروسين ولم يتم توجيه أي دعوات لأصدقائهما، تنفيذًا للإجراءات الاحترازية التي تفرضها جائحة كورونا من منع التجمعات في المناسبات الاجتماعية.   اعتزال الفن بعد زواجها من معز مسعود أعلنت حلا شيحة اعتزالها الفن نهائيًا، وارتداء الحجاب مرة أخرى، وسط تعليقات من رواد مواقع التواصل الاجتماعي واستياءات بسبب مره بالحجات ومره دون الحجاب. أخر اعمالها ويذكر أن أخر اعمال الفنانة حلا شيحة بعد عودتها من اعتزالها الفن بعد 13 عامًا، كانت مع الفنان محمد رمضان في مسلسل زلزال، المعروض في رمضان 2019، ومع الفنانة يسرا في مسلسل خيانة عهد، المعروض في رمضان 2020.