قام الفنان إسلام إبراهيم بكتابة منشور على صفحته بموقع التواصل الاجتماعي "فيسبوك" هاجم فيه والد المطرب النقاش الذي تصدر التريند خلال الايام الماضية، وذلك بسبب عدم اهتمام والدهم به وبشقيقه أو تشجيعهم على تنمية مواهبهم بعيدًا عن العمل في النقاشة.    نص كلام إسلام إبراهيم    وكتب إسلام إبراهيم على حسابه الشخصي بـموقع التواصل الاجتماعي "فيسبوك" قائلًا: "أنا عارف إن الكلام اللي هقوله ده ممكن ميعجبش ناس كتير بس أنا شايف الترند ده من زاوية تانية خالص، فكرة أنك ربنا يرزقك بشابين زي دول ينطبق عليهم كلمة شباب زي الورد لأنهم ربنا كارمهم بالوسامة والموهبة والصوت الحلو وعندهم المؤهلات أنهم يكونوا نجوم ومتحاولش تساعدهم أنهم يحققوا حلمهم أو يعملوا الحاجة اللي بيحبوها.   إسلام إبراهيم لوالد المطرب النقاش: بتفرض عليهم قيود ومسؤوليات مش بتاعتهم وتابع إسلام إبراهيم كلامه: بتفرض عليهم قيود ومسؤوليات مش بتاعتهم زي إن هما يجهزوا أخواتهم البنات اللي أكبر منهم حضرتك البنات دول أنت اللي خلفتهم مش هما والحياة دي حياتك انت مش حياتهم هما وتفرض عليهم يكونوا نقاشين وده مش تقليلا من مهنة النقاش أكيد هي مهنة محترمة وشريفة لكن أي حد مش موهوب يقدر يشتغلها لكن مش أي حد عنده الموهبة والصوت ده.   إسلام إبراهيم: احنا مش بنخلف عيال عشان نستعبدهم   وإنه ي إسلام إبراهيم كلامه قائلًا: خلاصة الكلام إحنا مش بنخلف العيال عشان نستعبدهم إحنا عندنا مفاهيم مغلوطة كتير في فلسفة الجواز والخلفة والتربية وزي ما طاعة الوالدين واجبة وأي ابن بيفتح بقه أو يعترض على حاجة مش عجباه بيبقى ابن عاق كمان الولاد أمانة هتتسئل عليها قدام ربنا. المطرب النقاش من هو المطرب النقاش؟   كان قد تداول رواد مواقع التواصل الاجتماعى خلال الايام الماضية مقطع فيديو لشاب يعمل في مهنة النقاشة وهو يقوم بغناء أغنية "بكرة يا حبيبي" للفنانة وردة، أثناء دهان شقة، وفور انتشار الفيديو على مواقع التواصل الاجتماعى اعجب به الجمهور بشكل واسع، بالاضافة إلى الاشادة من قبل الفنانيين، وأبرزهم المطرب رامي جمال، الذي أعجب بصوته بشدة، مطالبًا متابعيه بأن يصلوا إليه ليتعاون معه في أغنية جديدة.