نشر الفنان تامر حسني عبر حساباته الخاصة على مواقع التواصل الاجتماعي منشوراً كشف من خلاله عن تحقيق أحدث أفلامه "بحبك" أعلى إيرادات في تاريخ السينما العربية. ونشر تامر عبر حسابيه في "فيسبوك" و"إنستغرام" تقريراً صادراً عن شركة أورينت الدولية المسؤولة عن توزيع أفلامه عالمياً، ذكر أن فيلم "بحبك" حقق أعلى حضور جماهيري لفيلم عربي على مستوى العالم، حيث حضره مليونان و600 ألف شخص خلال شهر ونصف الشهر فقط، كما اقترب الفيلم من تحقيق إيرادات تبلغ 600 مليون جنيه، في ظاهرة تعد الأولى من نوعها في السينما العربية. ووجه تامر حسني بهذه المناسبة رسالة لجمهوره قال فيها: "الحمدلله من جد وجد وربنا بيكرم على قد التعب، الحمدلله عشان نجحت وحققت الإنجازين دول واثبت اني كنت شايف صح وصاحب رؤيه وشخصيه فنيه مستقله مبتمشيش غير ورا قناعتها اللي بتتبني بعد دراسه كبيره للأشياء حبيت اقول للشباب مفيش مستحيل". وأضاف: "بقول الكلام دا عشان يكون قدامكو عبرة واضحة تخليكو متيأسوش ودايماً عندكوا امل ولا يهزكوا اي حروب وأحقاد وناس مأجوره كل دا (( بلح )) جانب الاجتهاد الحقيقي، والانسان لما يبقى عنده تحدي قوي مؤمن بيه، اللي بيطلع من القلب بيوصل للقلب ولا يصح الا الصحيح، واوعى تفتكر ان في مخلوق على الأرض يقدر يوقف رزقك، هيجيلك يعني هيجيلك ما دام اجتهدت وعملت اللي عليك". وتابع: "شكراً سينرچي وسكاي ليميت وفيلم سكوير وth برودكشن وأورينت الدولية انكم صدقتوني لما قولتلكم إن شاء الله هنعمل انجاز تاريخي بفيلم رومانسي في عصر العنف والقتل، وهنرجع نحب ونرجع المشاعر تاني، اهو الإنجاز بقى انجازين رقم عمري ما طلبته من ربنا لإنه عمره ما يجي في خيالي، كنت اطمح في ربعه وعدد زوار الفيلم ربنا كرمنا وفخور كل الفخر بأن اعلى رقمين في تاريخ السينما على مر العصور تم تحقيقهم بفيلم من تأليفي وموسيقتي التصويريه وإخراجي، الحمدلله ومليون مبروك لجميع ابطال وصناع الفيلم، وكل الشكر الجمهور المصري والعربي والعالمي اللي شرفنا وتسبب في هذا الحدث العظيم في حياتي".