أنهت طالبة مصرية “ر.ج” 22 عامًا، حياتها، يوم الأربعاء، بتناول حبة سامة تستخدم في حفظ الغلال، وذلك قبل يومين فقط من احتفالها بتخرجها بعد مرورها بأزمة نفسية. الرسالة الأخيرة وتركت الطالبة قبل انتحارها رسالة توضح فيها السبب الذي دفعها لإنهاء حياتها على ما أفادت وسائل إعلام محلية. وبحسب منشور متداول على فيسبوك، كتبت على صفحتها: “أنا حزينة حزينة أوي إني وصلت للمرحلة دي، وأنا بكتب الرسالة دي مش شايفة من كتر الدموع اللي بتنزل من قلبي مش عيني، أنا تعبت تعبت أوي واستحملت كتير أوي بس أنا إنسانة عندي طاقة مش قادرة استحمل كل ده لوحدي، أنا بس كنت محتاجة حد يطبطب عليه وياخدني في حضنه”.   وأضافت: “أنا عمري ما حسيت بحنية أم ولا أب ولا أخوات ولا أصحاب، أنا عايشه لوحدي حرفياً رغم وجود الناس دي حوليا انا لوحدي والوحده وحشه اوي ومُتعبه أوي أنا اتهلكت واتأذيت واتخذلت من اقرب ناس ليا و ف الاخر يتقالي معلش ، محدش يكلف نفسه يفكر فيا ولا يفكر ف إحساسي، أعيش ليه، أعيش لمين، أنا في الوقت ده كنت عاوزه بس اللي يحسسني إني استاهل أتحب وأن حد يفضل معايا عشاني عشان بيحبني”. وأضافت في رسالتها: “أنا حاربت الناس كلها عشان أبقى كويسة وكل محاولاتي فشلت، أتاكدو إني موصلتش لهنا بسهولة كدة لا والله أنا عافرت عشان موصلش بس للأسف الحزن كان أقوى مني أتمنى ربنا يسامحني ويحاسبني على تعبي وقلة حيلتي مش على عدم إيماني به، حاجة أخيرًا أنا كنت لوحدي ودلوقتي لوحدي فأتمنى محدش من أهلي يحضر جنازتي لأني ماشية زعلانة منهم كلهم ومش مسامحة في حق نفسي أبدًا، ادعولي بالرحمة افتكروني بالخير وأتمني متنسيش زي ما كنت منسيه وقولو للشخص اللي ختم نهاية حياتي انه كان أملي الوحيد و للاسف خذلني ، عرفوه إني كنت بحبه عرفووه اني خلاص فارقت الدنيا دي وانا حزينه و زعلانه علي نفسي.   وختمت رسالتها: “هيعرف بالصدفة أني موت زيه زي ناس كتير أوي كانت فحياتي حفلة تخرجي بعد بكره هي مش حفلة تخرجي من الكلية بس ومن الحيااة كلها، ادعولي ربنا يسامحني ومحدش يقولي ماتت كفره لأن الكُفر هو إني افضل عايشه مأذيه ومنسيه ووحيدة”. كان اللواء مروان حبيب، مدير أمن الدقهلية قد تلقى إخطاراً من مدير المباحث الجنائية يفيد بورود بلاغ لمركز شرطة بلقاس من مستشفى بلقاس المركزي بوصول فتاة تدعى “رنا. ج” 22 عامًا، مصابة بحالة إعياء شديدة نتيجة تناولها قرص كيماوي “حبة الغلة السامة”. وانتقل ضباط وحدة مباحث مركز شرطة بلقاس وبالفحص تبين وفاة الفتاة، وذلك لمرورها بحالة نفسية سيئة وتعاني من اكتئاب بسبب معاملة أهلها، وتحرر عن ذلك المحضر اللازم وجار العرض على النيابة العامة.