حلت الفنانة دينا الشربيني ضيفة الإعلامية منى الشاذلي، أمس في حلقة خاصة من برنامجها “معكم” والمذاع على قناة “cbc”، وتحدثت “الشربيني” عن الكثير خلال الحلقة حيث تطرقت إلى حياتها الشخصية، وعلاقتها بالسوشيال ميديا، وأصحاب الفضل عليها في عالم الفن وعلاقتها بالمخرجة كاملة أبو ذكرى بعد انتشار أخبار حول خلاف بينهما.   ويرصد “الفجر الفني” أبرز تصريحات دينا الشربيني في هذا التقرير:    نفت الفنانة دينا الشربيني خضوعها لعمليات تجميل، موضحة أنها لا تمانع الخضوع إليها حال احتاجت إليها في مراحل عمرية متقدمة. أضافت الشربيني خلال حوارها مع الإعلامية منى الشاذلي في برنامج "معكم منى الشاذلي"، المذاع على قناة cbc، أنها قامت بعمل أشياء تجميلية بسيطة مثل البوتوكس والفيلر، قائلة: "معملتش عمليات تجميل بس عملت الحاجات العادية زي الفيلر والبوتوكس لأني بترعب من العمليات". تابعت: "كان حد نصحني أعملهم قبل التلاتينات وجيت بعدها مكنتش عارفة أكشر وأنا بصور بعدها، فقررت بعدها إنه لأ، وكنت عملت شفايفي ومبتروحش لحد دلوقت، بس أكيد هيجيلي سن أحتاج الحاجات دي". علاقة دينا الشربيني بالمخرجة كاملة أبو ذكرى وبسؤالها عن خلافها مع المخرجة كاملة أبو ذكري في مسلسل "زي الشمس"، أوضحت أن الأمر كان مجرد سوء تفاهم فقط، قائلة: "أصلا مفيش خناقة ده سوء تفاهم ولما اتقابلنا في الجونة اتكلمنا ووضحنا الأمور، أنا أصلا بموت فيها، دي أستاذتي، وكنت بتمنى أشتغل معاها وبموت في كل أعمالها، أنا كنت أكتر حد متضايق من اللي حصل لأن كل حد كان جاي المسلسل عشان أستاذة كاملة مش عشاني".   وعن علاقتها بالسوشيال ميديا قالت دينا الشربيني: "علاقتي بالسوشيال ميديا نيلة.. بحس إني مش شاطرة فيها وممكن اعك الدنيا وكمان الناس فيها متدخلين في حياة  بعض أوي.. لكن بحب التيك توك".   دينا الشربيني: اتعلمت محكمش على حد من برة وبسؤالها عن ما تعلمته من تجاربها السابقة، أوضحت أنها تعلمت ألا تحكم على حياة الأشخاص من الخارج، قائلة: "اتعلمت إن ممكن ابقي شايفة حد من برا إن حياته بشكل ما لكنها في الحقيقة بشكل تاني.. يعني ممكن تبقي شايفة حاجة من برا بس عمرك ما هتبقي عارفه ايه اللي جوا.. لذلك لا تحكم ولا تتكلم في الموضوع أصلا لان عمرك ما هتعرف ايه اللي بيحصل". أضافت: "اتعلمت كمان إن دايما ربنا بيبقي شايلك الأحسن وبيجبلك الحاجات في الوقت المناسب.. ومفيش حاجة ربنا عملهالك من غير سبب.. هو عملها عشان تتعلمي منها حاجة". من جانبها، قاطعتها منى الشاذلي قائلة: "يعني اتعلمتي إن مينزلكيش صورة مكتوب عليها فريق العمل؟" لتجيب دينا الشربيني ضاحكة: "ده أكيد.. والله ما هتشوفوني فريق عمل في حياتي.. هيبقي في عمل بس". تابعت: "فضلت فترة بيتقال (فريق العمل راح وجه)، بس أنا مش من النوع اللي بيدور كتير على السوشيال ميديا فمكنتش بقرأ كل الكلام ده، وكمان عمري ما هعرف أحكم الناس يقولوا إيه وميقولوش إيه، بس اتعلمت إن بعد كده مش هيبقى في فريق عمل هيبقى في عمل بس".