تحدثت المطربة بوسي عن عدم تفضيلها الحديث عن حياتها الشخصية على منصات التواصل الاجتماعي، معلقة: "أنا مبحبش أرد على  الشائعات ومش هرد على حاجة، أنا بتكلم عن شغلي بس، واتفقت معه على أن يرد طليقته لأني عارفة قيمة الضنا، وأولاده أصحاب ابني، ولما اتجوزنا كان منفصل عن مراته من فترة وعمري ما هتجوز راجلوعلى ذمته واحدة تانية". بوسي وقالت المطربة بوسي في مداخلة هاتفية مع الإعلامية بسمة وهبة مقدمة برنامج "90 دقيقة"، على قناة المحور: "الناس بتشتمني وبتغلط فيّ من غير ما تعرف عني حاجة أو تتحرى عني، ولا أفهم سر إنشغال السوشيال ميديا بحياتي الشخصية". بوسي وأضافت: "اللي بيقول باباها ميت غضبان عليها، إيش عرفك؟! انت كنت من بقية أهلي، ليه بتدعوا الكلام؟! المشكلة إن الكلام من زمايلي اللي واكلين عليّ عيش وملح، الكلام ده طلع من زميل ومش هقول اسمه زعلان مني عشان معزمتهوش على الفرح". وتابعت: "الناس ايه اللي عرفها إن في مشاكل، انا متطلقتش وحياتنا مستمرة ومسحتش صورنا مع بعض، ومنزلتش غير صورنا في الفرح، والله العظيم ما مسحت صورنا، أمسحها ليه؟! حياتنا تخصنا مش تخص حد تاني، وبالنسبة لأبي، فقد تصالحت معه قبل وفاته ولم أعلم بوفاته إلا بعد الدفن بيومين". بوسي ومن ناحية أخرى أكد هشام ربيع زوج  المطربة بوسي، أن المطربة بوسة على علاقة جيدة بوالدها، وتتحدث إليه يوميًا، موضحًا عبر مداخلة هاتفية لـ برنامج ”90 دقيقة ”:" فيه ناس في العيلة مش بتحبها وأنا لما كلمتهم قالولي ده أتوفى لوحده في البيت ومعرفناش غير بعد يومين ".   وأضاف هشام ربيع إلى أنها طالبت من أحد الأشخاص في عائلتها أن تعلم إذا ما كان والدها مديون بأي أمال؛ لكي تسددها عنه. بوسي وواصل هشام ربيع: “  بوسي  بعتت لأبوها في العيد الكبير حاجة كبيرة جدا، والكلام عن أبوها وجعها، وهي معملتش حاجة وشايفة الناس بيقولوا عليها عاق ”  وعقب هشام ربيع على الجدل المثار حول طلاقه من الفنانة بوسي، قائلا: " كلام السوشيال ميديا معملش مشاكل أو أزمة هو عملنا مشاكل نفسية.. وبوسي هي أكثر واحدة بتتجرح بسبب أنها مشهورة ". بوسي وتابع: “ مش عارف الناس شاغلة دماغها بالموضوع ده أوي ليه.. أنا صحيت لقيت الدنيا مقلوبة.. ودي أم ولادي بقالها 15 سنة.. وبوسي مراتي.. واللي بيضايقني أن فيه ناس قاعدة على مكتبها ومش بتتحرى عن أخبارها”.