محمد اسماعيل - القاهرة - كتب- هاني صابر: روت الفنانة وفاء عامر، كواليس الفترة الصعبة التي عاشتها، بعد تلقيها تهديدا باختطاف ابنها، في حال امتناعها عن دفع مبلغ 50 ألف دولار. وقالت وفاء، ببرنامج "واحد من الناس" المعروض عبر قناة "الحياة": "وقت الثورة وصلتني رسالة نصية واتهددت فيها بخطف ابني مقابل 50 ألف دولار .. الفلوس وإلا ستفقدين ابنك في ظل الانفلات الأمني". وتابعت: "بقيت مش عايزة أنزله المدرسة، ولا يبص من البلكونة، وكنت خايفة عليه وعلى أبوه وكل العيلة، وركبت باب حديد للشقة، وكنت أنا اللي أفتح لو الباب خبط". وأضافت: "الحقيقة ابني كان أشجع مني، وراجل جدع زي أبوه، ومن حبه للمدرسة صمم ينزل". وحول العملية الجراحية التي أجراها نجلها في عينه، فأوضحت: "كنت مسلمة أمري لربنا، وإحنا عندنا دكاترة محترمين نصحوني بعدم عمل العملية في لندن، لأن العين هتتظبط لوحدها، وفعلا بعد ما سافرنا وصرفنا في لندن العملية باظت". يذكر أن، وفاء عامر شاركت في دراما رمضان 2022 بـ 3 مسلسلات هي "راجعين يا هوى" و"جزيرة غمام" و "بيت الشدة".