نشرت الإعلامية منى عراقي على حسابها بـ"فيسبوك" فيديو ظهرت فيه وهي في حالة من الانفعال الشديد وانهمرت في البكاء بعد الكشف عن زواجها، ومعاناتها من مشكلات كبيرة بسبب ذلك، خلال الأيام الماضية. وظهرت منى في حالة انهيار في الفيديو وهي تقول: "إيه اللي أنا فيه ده؟ كل ده ليه؟ إيه المهم والفظيع في قصة زواجي وارتباطي، إيه كم الاستفزاز ده!". وتابعت: "تعبوني مش قادرة، مش عارفة أعيش ولا أنام ولا أشتغل، تعبت مش قادرة". وأوضحت: "يعني إيه بقالي يومين مش بنام؟ عشان بس قررت أعلن عن حياتي الشخصية، أنا مش عايزة أتجوز في السر تاني، ولادي كبروا، أخبي ايه.. السؤال بقى اللي دمر نفسيتي بقالي يومين، مين؟.. عشان حياتي وحياته متبوظش، أنا هعلن في الوقت المناسب". وأكملت: "روحت فرح سالي عبدالسلام وقعدت أهيص وقعدت مع أيمن رشوان وميلاد أبي رعد عشان أقرب ناس ليا، هوب لقيت خبر إني اتجوزت أيمن، اتفاجئت زيي زيه، مكنتش متخيلة إن الموضوع بهذه الأهمية، عملت لايف قلت مش أيمن، أنا لا عارفة أنام ولا عارفة أعيش".